India vs England 2nd T20 Match : कसोटी सामन्यातील पराभवाच्या दुःखावर पहिल्या टी-20 सामन्याचा उतारा भारतीय संघाने दिला. आता उद्या आणि रविवारी सलग दोन दिवसांतही पुढच्या दोन सामन्यांची मेजवानी मिळणार आहे. धडाकेबाज खेळ करून विजय मिळवणारा भारतीय संघ हेच सूत्र पुढच्या दोन सामन्यातही कायम राखून मालिका जिंकण्यासाठी प्रयत्नशील असेल.
आयपीएल विजेता कर्णधार हार्दिक पंड्या पहिल्या सामन्यातील यशाचा प्रमुख शिलेदार ठरला. दणकेबाज अर्धशतक आणि चार विकेट अशी अष्टपैलू कामगिरी त्याने केली.
आयर्लंडमध्ये दोन टी-20 सामने जिंकलेल्या संघातील खेळाडूंचे नेतृत्व रोहित शर्माने पहिल्या सामन्यात केले. दुसऱ्या आणि तिसऱ्‍या सामन्याकरिता विराट कोहली, जसप्रीत बुमरा, रवींद्र जडेजा संघात परतत आहेत. सोबतीला गेल्या काही सामन्यांत चांगली कामगिरी करणारे युझवेंद्र चहल, दीपक हुडा आणि हार्दिक पंड्या सारखे खेळाडू असतील. पहिल्या सामन्यात भारतीय फलंदाजांनी उभारलेल्या मोठ्या धावफलकाला गोलंदाजांनी मस्त रोखून धरले. इंग्लंडच्या कोणत्याच फलंदाजाला सूर गवसला नाही आणि भलामोठा विजय भारतीय संघाच्या हाती लागला.
सध्या आपल्या सकारात्मक विचारांनी भारावून सोडणारा ब्रँडन मॅक्कुलम पुढील दोन सामन्यात इंग्लंड संघाला विजयाकरता काय कानमंत्र देतो हे बघावे लागेल. पहिल्या सामन्यात गेलेली लय परत आणायला जोस बटलर, जेसन रॉय आणि लियाम लिव्हिंगस्टोन भारतीय गोलंदाजांवर आक्रमक हल्ला करतील, यात शंका नाही. एजबास्टन क्रिकेट मैदानावरची खेळपट्टी फटकेबाजीकरिता किती चांगली आहे याचा प्रत्यय कसोटी सामन्यात आला होता.
क्षेत्ररक्षणाचा सराव
सामन्याच्या आदल्या दिवशी भारतीय संघाने साउदम्पटनहून बर्मिंगहॅमचा प्रवास केला. संघातील बऱ्याच खेळाडूंनी दुपारी एजबास्टन क्रिकेट मैदानावर प्रामुख्याने झेल पकडण्याचा सराव केला.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
