India vs Pakistan: भारत पुन्हा फायनलमध्ये 'फेल',भारताचा १२८ धावांनी दारुण पराभव

Emerging Asia Cup 2023: इमर्जिंग एशिया कपच्या फायनलमध्ये भारताचा पराभव झालाय. भारताने नाणेफेक जिंकून क्षेत्ररक्षणाचा निर्णय घेतला होता. पाकिस्तानने पहिल्यांदा फलंदाजी करत ३५२ धावांचा डोंगर रचला. या धावसंख्येचा पाठलाग करताना २२४ धावांवर संघ सर्वबाद झाला.

पाकिस्तान संघासाठी तय्यब ताहीर याने शकत झळकावलं. त्याने ७१ चेंडूत १२ चौकार आणि ४ गंगनचुंबी षटकारांच्या मदतीने १०८ धावा केल्या. त्याला साहिबझादा फरहान याचीही सुरेख साथ मिळाली. त्याने ६२ चेंडूत ६५ धावा केल्या.

पाकिस्तान संघासाठी सुफियान मुकीम याने सर्वाधिक ३ गडी बाद केले आणि अर्शद इकबाल याने २ गडी बाद केले.