माऊंट माऊनगानुई : आयसीसी महिला वर्ल्डकप 2022 मधील (ICC Women World Cup 2022) हाय व्होल्टेज भारत पाकिस्तान (India vs Pakistan) सामन्यात भारताने नाणेफेक जिंकून प्रथम फलंदाजी करण्याचा निर्णय घेतला. स्मृती-दिप्तीने चांगली सुरूवात करून दिल्यानंतर भारताची मधली फळी ढेपाळही होती. मात्र पूजा वस्त्रकार (67) आणि स्नेह राणा (57) यांनी धडाकेबाज फलंदाजी करत भारताला 50 षटकात 7 बाद 244 धावांपर्यंत पोहचवले.
भारताची स्टार सलामीवीर स्मृती मानधनाने (Smriti Mandhana) शेफाली वर्मा बाद झाल्यानंतर दिप्ती शर्माबरोबर (Dipti Sharma) भागीदारी रचत टीम इंडियाला शतकाजवळ नेण्याचा प्रयत्न केला. मात्र दिप्ती शर्मा 40 धावांवर बाद झाली आणि ही जोडी फुटली.
दिप्ती पाठोपाठ 52 धावांची आर्धशतकी खेळी करणाऱ्या स्मृती मानधनला आनम अमिनने बाद करत भारताला दुसरा मोठा धक्का दिला. यानंतर भारताची गळती सुरू झाली. स्मृती आणि दिप्तीची दुसऱ्या विकेटसाठी केलेली 92 धावांची भागीदारी संपुष्टात आल्यानंतर भारताची अवस्था 1 बाद 96 वरून 6 बाद 114 अशी झाली. स्मृती बाद झाल्यानंतर कर्णधार मिताली राज (Mithali Raj) आणि उपकर्णधार हरमनप्रीत कौर (Harmanpreet Kaur) यांच्यावर भारताचा डाव सावरण्याची जबाबदारी आली होती.
मात्र या दोघींनीही निराशा केली. निदा दारने कौरला अवघ्या 5 धावांवर बाद केले. तर मिताली राज 9 धावा करून नाशरा संधूची शिकार झाली. रिचा घोष देखील अवघ्या 1 धावेची भर घालून माघारी परतली. भारताच्या मधल्या फळीने निराशा केल्यामुळे आता सन्मानजनक धावा उभारण्याचा भार तळातील फलंदाजांच्या खांद्यावर आला आहे. पाकिस्तानकडून निदा दार आणि नाशरा संधू यांनी प्रत्येकी दोन विकेट घेतल्या आहेत.
मोठे स्टार माघारी परतल्यानंतर आपला वर्ल्डकपमधील पहिला सामना खेळणाऱ्या पूजा वस्त्रकार (Pooja Vastrakar) आणि स्नेह राणा (Sneh Rana) यांनी भारताला तारले. या दोघींनी भारताची मधली फळी माघारी गेली असताना देखील आक्रमक फलंदाजी करत भारताला 50 षटकात 244 धावांपर्यंत पोहचवले. पूजा वस्त्रकारने ( 59 चेंडूत 67 धावा चोपल्या तर स्नेह राणाने 48 चेंडूत 53 धावांची खेळी करत पूजाला चांगली साथ दिली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
