क्रिकेट चाहत्यांनी ज्याची आतुरतेने वाट पाहत होतो तो वर्ल्डकप 2023 चा सामना आता गुजरातमधील नरेंद्र मोदी स्टेडियमवर सुरू झाला आहे. 5 ऑक्टोबरपासून सुरू झालेल्या क्रिकेटच्या महासंग्रामात आज पाकिस्तानचा सामना कट्टर प्रतिस्पर्धी भारताशी होत आहे.
एकदिवसीय वर्ल्डकपच्या इतिहासात भारत आणि पाकिस्तान यांच्यातील हा आठवा सामना आहे. रोहित शर्माने नाणेफेक जिंकून गोलंदाजी करण्याचा निर्णय घेतला आहे. दोन्ही संघांचे प्लेइंग इलेव्हन कसे आहे ते जाणून घेऊया.
शुभमन गिल आता पूर्णपणे तंदुरुस्त आहे. व्यवस्थापनाने 2 सामन्यांनंतर त्याचा संघात समावेश केला आहे. ऑस्ट्रेलिया आणि अफगाणिस्तानविरुद्ध वर्ल्डकप मधील पहिले दोन सामने गिल खेळू शकला नव्हता. मात्र आता तो पाकिस्तानविरुद्ध खेळण्यासाठी तो तयार आहे. शुभमन गिलने एकदिवसीय क्रिकेटमध्येही द्विशतक झळकावले आहे. गिलच्या पुनरागमनामुळे इशान किशनला प्लेइंग इलेव्हनमधून बाहेर पडावे लागले. त्याने बांगलादेशविरुद्ध द्विशतक झळकावले होते.
भारतीय संघ 18 वर्षांनंतर अहमदाबादमध्ये पाकिस्तानविरुद्ध एकदिवसीय सामना खेळणार आहे. 2005 मध्ये येथे दोन्ही संघ शेवटच्या वेळी आमनेसामने आले होते, तेव्हा पाकिस्तानने भारताचा पराभव केला होता. आता भारताला त्या पराभवाचा बदला घेण्याची संधी आहे.
भारत आणि पाकिस्तान यांच्यातील शेवटचा सामना यंदाच्या आशिया कपमध्ये झाला होता. या सामन्यात केएल राहुल आणि विराट कोहलीने शानदार शतकी खेळी खेळली. भारताने हा सामना मोठ्या फरकाने जिंकला.
पाकिस्तानचा प्लेइंग इलेव्हन : इमाम उल हक, अब्दुल्ला शफीक, बाबर आझम, मोहम्मद रिझवान, सौद शकील, इफ्तिखार अहमद, शादाब खान, मोहम्मद नवाज, हसन अली, शाहीन आफ्रिदी आणि हरिस रौफ.
भारताची प्लेइंग इलेव्हन : रोहित शर्मा (कर्णधार), शुभमन गिल, विराट कोहली, श्रेयस अय्यर, केएल राहुल (यष्टीरक्षक), हार्दिक पांड्या, रवींद्र जडेजा, शार्दुल ठाकूर, कुलदीप यादव, जसप्रीत बुमराह, मोहम्मद सिराज.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.