India vs South Africa : दक्षिण आफ्रिकेने पहिल्या एकदिवसीय सामन्यात भारताचा 9 धावांनी पराभव केला. प्रथम फलंदाजी करताना आफ्रिकेने डेव्हिड मिलर आणि हेनरिक क्लासेन यांच्या दमदार अर्धशतकांच्या जोरावर निर्धारित 40 षटकात 249 धावा केल्या. प्रत्युत्तरात संजू सॅमसनच्या 86 धावांच्या जोरावर भारतीय संघ 40 षटकांत 8 विकेट गमावून केवळ 240 धावाच करू शकला. आफ्रिकेने दिलेल्या 250 धावांच्या लक्ष्याचा पाठलाग करताना भारतीय संघाची सुरुवात खराब आणि संथ झाली. जाणून घेऊया पराभवाचे कारणे
खराब क्षेत्ररक्षण
टीम इंडियाचे क्षेत्ररक्षण खूप खराब होते. डावाच्या सुरुवातीलाच शुभमन गिलने स्लिपमध्ये मलानचा सोपा झेल सोडला. त्याच वेळी 38 व्या षटकात सिराज आणि बिश्नोई यांनी सलग दोन चेंडूंवर क्लासेन आणि मिलरचे झेल सोडले. त्यानंतर त्यांनी 30 हून अधिक धावा केल्या.
सलमीवीर शुभमन गिल आणि शिखर धवन यांचा फ्लॉप शो!
सलामीवीर शुभमन गिल आणि शिखर धवन हे लवकर बाद झाले. 250 धावांचा पाठलाग करत असताना टीम इंडियाला तिसऱ्याच षटकात मोठा धक्का बसला. संघाचा स्टार सलामीवीर शुभमन गिल 7 चेंडूत 3 धावा करून पॅव्हेलियनमध्ये परतला. कर्णधार शिखर धवन सहाव्या षटकात गोलंदाजी करून पॅव्हेलियनमध्ये परतला. त्याने 16 चेंडूत 4 धावा केल्या. त्याच वेळी इशान (20) आणि गायकवाड (19) यांनी 40 धावांची भागीदारी केली, परंतु यासाठी 11 पेक्षा जास्त षटके खेळली.
दीपक चहरला बाहेर ठेवणे पडले महागात
भारतीय गोलंदाज दीपक चहरची दक्षिण आफ्रिकेविरुद्धच्या एकदिवसीय मालिकेसाठी निवड करण्यात आली, जेणेकरून तो टी-20 वर्ल्ड कप सुरू होण्यापूर्वी जास्तीत जास्त सराव करू शकेल. पहिल्या एकदिवसीय सामन्यात जेव्हा प्लेइंग इलेव्हनची घोषणा करण्यात आली, तेव्हा चहरचे नाव नव्हते. ज्यामुळे खूप आश्चर्य वाटले. आफ्रिका विरुद्ध T20 मध्ये चहर चमकला होता. दक्षिण आफ्रिकेने 249 धावा केल्या, ज्यात डेव्हिड मिलर आणि हेनरिक क्लासेन यांनी विशेष योगदान दिले. दीपक चहरला संघाबाहेर ठेवणे महागात पडले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
