India Women hockey Team : भारतीय महिला हॉकी संघाने एफआयएच हॉकी 5 एस महिला वर्ल्डकप (FIH Hockey5s Women's World Cup) स्पर्धेची फायनल गाठली आहे. भारताने सेमी फायनलमध्ये दक्षिण आफ्रिकेचा 6 - 3 असा पराभव केला.
भारताकडून अक्षता ढेकालेने सातव्या मिनिटाला भारताकडून पहिला गोल केला. त्यानंतर मारिआना कुजूरने 11 व्या मिनिटाला, मुमताझ खानने 21 व्या, ऋतुजा पिसाळने 23 व्या, ज्योती छेत्रीने 25 व्या तर अजिमा कुजूरने 26 व्या मिनिटाला गोल केले.
दक्षिण आफ्रिकेकडून टेशवान दे ला रेने 5 व्या मिनिटाला गोलं करत आफ्रिकेचे खाचे उघडले होते. त्यानंतर कर्णधार टोनी मार्कने 8 व्या आणि कॅमबेरलैनने 29 व्या मिनिटाला तिसरा गोल केला. आफ्रिकेने सुरूवातीला बचावात्मक पवित्रा घेतला होता. मात्र त्यांनी पहिल्या हाफमध्ये आधी गोल करत आघाडी घेतली होती.
मात्र भारताने दक्षिण आफ्रिकेची ही आघाडी त्वरित बरोबरीत बदलली. मात्र टोनी मार्कने पुन्हा आफ्रिकेला आघाडी मिळवून दिला. ही आघाडी मारिआना कुजूरने त्वरित 2 - 2 अशी बरोबरीत बदलली.
दुसऱ्या हाफमध्ये दक्षिण आफ्रिकेने दमदार सुरूवात केली. त्यांनी भारताची गोलकिपर रजनीची परीक्षा पाहिली. मात्र भारताने आपला भक्कम बचाव केला. त्यानंतर ऋतुजाने मुमताझच्या साथीने भारताला आघाडी मिळवून देण्या सुरूवात केली. या दोघांनी भारताची आघाडी वाढवली.
दक्षिण आफ्रिका देखील गोलची परतफेड करण्यासाठी काऊंटर अटॅक करत होता. मात्र ज्योतीने दबावात चांगला खेळ करत भारताला 5 - 2 अशी आघाडी मिळवून दिली. त्यानंतर अजिमाने ही आघाडी 6 - 2 अशी केली अखेर आफ्रिकेकडून कॅमबेरलैनने शेवटचा गोल केला. मात्र हा गोल भारताचा विजय रोखू शकला नाही. आता फायनलमध्ये भारतीय संघ रविवारी नेदरलँड्स सोबत भिडणार आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
