भारताचा वेगवान गोलंदाज शार्दुल ठाकुरने मुंबईत साखरपुडा केला. शार्दुलने गर्लफ्रेंड मिताली पारुलकरसोबत साखरपुडा केला असून त्याचा व्हिडिओ आता सोशल मीडियावर व्हायरल होत आहे. बांद्रा कुर्ला कॉम्प्लेक्समध्ये साखरपुडा समारंभ पार पडला. यामध्ये फक्त त्याचे कुटुंबिय आणि जवळचे नातेवाईक सहभागी झाले होते.
शार्दुल आणि मितालीला त्यांच्या मित्रांनी सोशल मीडियावर शुभेच्छा दिल्या आहेत. त्याचे फोटो आणि व्हिडिओ व्हायरल झाले आहे. अद्याप शार्दुल किंवा मितालीने याबाबत काही माहिती दिलेली नाही. शार्दुल आणि मिताली टी२० वर्ल्ड कपनंतर लग्न करणार असल्याची माहिती समजते.
सध्या शार्दुलला बीसीसीआय़ने विश्रांती दिली आहे. भारताकडून क्रिकेटच्या तिन्ही प्रकारात शार्दुल खेळला आहे. आतापर्यंत त्याने ४ कसोटी आणि १५ एकदिवसीय, २४ टी२० सामने खेळले आहेत. शार्दुलने नुकतंच त्याच्या खालच्या क्रमांकावर खेळताना फलंदाजीने सर्वांना चकीत केले होते.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
