India at Chess Olympiad 2024: बुडापेस्ट येथे सध्या बुद्धिबळ ऑलिंपियाड ही प्रतिष्ठेची स्पर्धा सुरू असून भारताचे महिला आणि पुरुष असे दोन्ही संघ सहभागी झाले आहेत. भारताच्या दोन्ही संघांची सुरूवातही दमदार राहिली आहे. शनिवारी चौथ्या फेरीत दोन्ही संघांनी प्रत्येकी ३.५-०.५ असा विजय मिळवला. दोन्ही भारतीय संघांचे हे सलग चौथे विजय ठरले आहेत.
चौथ्या फेरीत भारतीय पुरुष संघाचा सामना सर्बियाविरुद्ध झाला होता, तर भारतीय महिला संघचा सामना फ्रान्सविरुद्ध झाला होता.
