Indian Pacer Mohammed Shami : भारताचा अव्वल वेगवान गोलंदाज जसप्रीत बुमराह पाठदुखीमुळे ऑस्ट्रेलियात होणाऱ्या टी 20 वर्ल्डकपला मुकला आहे. तेव्हापासून जसप्रीत बुमराहनंतर संघात वरिष्ठ असलेला वेगवान गोलंदाज मोहम्मद शमी त्याची जागा घेईल असे अंदाज वर्तवले जात आहे. आजी माजी खेळाडू, संघ व्यवस्थापन हे मोहम्मद शमी कधी कोरोनामधून बाहेर येते आणि खेळण्यासाठी फिट होतो याची वाट पाहत आहेत. मात्र दुसरीकडे मोहम्मद शमी मात्र 'प्यार में धोका' खाल्यासारखे गंमभरे गाणे सोशल मीडियावर पोस्ट करत आहे.
मोहम्मद शमीचा एक व्हिडिओ सध्या सोशल मीडियावर चांगलाच व्हायरल होत आहे. या व्हिडिओत मोहम्मद शमी हा चाहत्यांना 'ओय राजू प्यार मत करियो, दिल टूट जाता हैं!' या गाण्याद्वारे प्रेम न करण्याचा सल्ला देत आहे.
मोहम्मद शमी आणि त्याची पत्नी एकमेकांपासून वेगळे राहतात. या दोघांमध्ये काडीमोड झाल्याचे सर्वांनाच माहिती आहे. शमी आणि त्याची पत्नी हसीन जहाँ यांच्यातील मतभेद चव्हाट्यावर आले होते. त्यावेळी हे प्रकरण खूप चर्चेत आले होतं. यानंतर शमीने स्वतःला सावरत भारतीय संघातील आपली जागा पक्की केली. आता बुमराहच्या अनुपस्थितीत मोहम्मद शमी संघात येईल असा सर्वांचा अंदाज आहे. जर तो संघात आला तर ऑस्ट्रेलियात भारतीय गोलंदाजीची मदार त्याच्यावरच असेल.
भारताचा टी 20 वर्ल्डकप संघ : रोहित शर्मा (कर्णधार), केएल राहुल (उपकर्णधार), विराट कोहली, सूर्यकुमार यादव, दीपक हुडा, ऋषभ पंत (विकेटकीपर), दिनेश कार्तिक (विकेटकीपर), हार्दिक पंड्या, आर.के. अश्विन, युझवेंद्र चहल, अक्षर पटेल, भुवनेश्वर कुमार, हर्षल पटेल, अर्शदीप सिंग. स्टँडबाय खेळाडू: मोहम्मद शमी, श्रेयस अय्यर, रवी बिश्नोई, दीपक चहर.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
