IPL Valuation : डी अँड पी अॅडव्हायजरीने प्रसिद्ध केलेल्या आकडेवारीनुसार इंडियन प्रीमियर लीग (IPL) चे एकूण मुल्यांकन वाढीचा दर हा 75 टक्के इतका राहिला. 2020 पासून आयपीएलचे एकूण मुल्यांकन हे 10.9 बिलियन डॉलर्स म्हणजे जवळपास 91,000 कोटींपर्यंत पोहचले आहे. बीसीसीआय ही जगातील सर्वात श्रीमंत क्रिकेट संघटना आहे. आयपीएल ही बीसीसीआयची सोन्याची अंडी देणारी कोंबडी आहे असे म्हटले तरी वावगे ठरणार नाही.
बीसीसीआय क्रिकेटमध्ये मोठ्या प्रमणावर गुंतवणूक करत असते. त्याचे चांगले रिझल्ट देखील त्यांना मिळातत. आयपीएल ही सध्या जगातील सर्वात मोठी क्रिकेट लीग म्हणून ओळखली जाते. ती आता पैशाच्या बाबतीत फुटबॉल जगतातील मोठमोठ्या लीगला देखील टक्कर देत आहे. सध्या आयपीएल ही जगातील दुसरी सर्वात मोठी लीग आहे.
गेल्या वर्षी आयपीएलमध्ये गुजरात टायटन्स आणि लखनौ सुपर जायंट्स या दोन संघाचा समावेश झाला. त्यांचे मुल्यांकन हे जवळपास 1.6 बिलियन पर्यंत पोहचले. आयपीएलचे 2020 मध्ये मुल्यांकन हे 6.2 बिलियन डॉलर्स इतके होते. आता गेल्या दोन वर्षातील गुंतवणूक आणि नफा पाहता यंदा आयपीएल 10 बिलियन डॉलरचा बेंच मार्क पार केला.
आयपीएलच्या फ्रेंचायजींनी जगभारातील विविध लीगमधील संघाची देखील मालकी मिळवली आहे. ही एक दीर्घकालीन रणनिती आहे. कोलकाता नाईट रायडर्स, मुंबई इंडियन्स यांच्यासह अजून काही फ्रेंचायजींनी विदेशातील लीगमधील संघ विकत घेतले आहेत.
डी अँड पी अडव्हायजरी यांनी आपल्या अहवालात बीसीसीआयला आपले मुल्यांकन वाढवण्यात आयपीएलचे 2023 ते 2027 च्या प्रसारण हक्क लिलावानेही मोठा फायदा झाला आहे. बीसीसीआयने आयपीएल मीडिया राईट्स 6.2 बिलियन डॉलर्सला विकेले. 2017 च्या तुलनेत ही रक्कम तिप्पट होती. याच धरतीवर आता बीसीसीआयने 2023 ची महिला आयपीएलची देखील घोषणा केली आहे.
हेही वाचा : असं एक गाव, जिथं जमिनीला कान लावला तरी संगीत ऐकू येतं...
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
