कोल्हापूर : उझबेकिस्थान येथे होणाऱ्या आशियायी स्पर्धेसाठी १८ वर्षाखालील रग्बी संघाची निवड होणार आहे. या शिबिरासाठी कोल्हापूरच्या (kolhapur news) वैष्णवी पाटील व सायली पाटील यांची निवड झाली आहे. हे शिबीर भुवनेश्वर (ओडिसा) येथे १३ ऑगस्ट ते १६ सप्टेंबर दरम्यान होणार आहे.
१८ ते १९ सप्टेंबर दरम्याने ताश्कंद (उझबेकिस्तान) येथे होणाऱ्या आशियाई भारतीय मुलींचा रग्बी संघ सहभागी होत आहे. या स्पर्धेत सहभागी होण्यासाठी रग्बी इंडिया यांनी देशभरातून ५४ महिला खेळाडूंची निवड केली आहे. या स्पर्धेच्या सराव शिबिरासाठी कोल्हापूर जिल्हा रग्बी फुटबॉल असोसिएशनच्या वैष्णवी दत्तात्रय पाटील व सायली सतीश पाटील या दोन खेळाडूंची निवड झाली आहे.
वैष्णवी पाडळी खुर्द येथील असून वडील रिक्षा व्यवसाय करतात. शेतकरी कुटुंबातील वैष्णवीने आजपर्यंत तीन राज्यस्तरीय व एक शालेय राष्ट्रीय स्पर्धेत उल्लेखनीय कामगिरी केली आहे. सायली देखील पाडळी खुर्दची असून वडील टू व्हीलर मेकॅनिकल आहेत. शेतीवर उदरनिर्वाह चालतो. मूळची अथलेटिक्स खेळाडू असणाऱ्या सायलीने राज्यस्तरीय स्पर्धेत उल्लेखनीय कामगिरी केली आहे. असोसिएशनचे अध्यक्ष अमर सासने, उपाध्यक्ष प्रकाश पाटील, प्रशिक्षक दीपक पाटील , आंतरराष्ट्रीय खेळाडू अजित पाटील, रग्बी इंडियाचे नासीर हुसेन, संदीप मोसमकर , रग्बी असोसिएशन ऑफ महाराष्ट्र यांचे मार्गदर्शन व सहकार्य लाभले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
