Commonwealth Games 2022 : भारतीय टेबलटेनिस पुरूष संघाने सिंगापूरचा 3 - 1 असा पराभव करत सुवर्ण पदक पटकावले. या बरोबरच भारताची सुवर्णसंख्या ही 5 पर्यंत पोहचली. टेबल टेनिस पुरूष सांघिक संघाने गेल्या राष्ट्रकुल स्पर्धेत देखील सुवर्ण पदक जिंकले होते. सिंगापूर विरूद्धच्या सामन्यात पहिल्यांदा भारताने सांघिक प्रकारात सिंगापूरला मात दिली. मात्र एकेरीच्या पहिल्या सामन्यात अचंता पराभूत झाला. त्यानंतर सत्येन गणसेकरन आणि हरमीत देसाईने आपल्या एकेरीचे सामने जिंकत सिंगापूरचे आव्हान मोडीत काढले.
टेबल टेनिस पुरूष सांघिक प्रकारात भारताने पुरूष सुवर्ण पदकाच्या सामन्यात हरमीत देसाई आणि सातिया जी यांनी सिंगापूरच्या योंग क्वेक आणि येव पँगचा 13 - 11, 11 - 7, 11 - 5 असा पराभव करत 1 - 0 अशी आघाडी घेतली. टेबल टेनिस सांघिक अंतिम फेरीत पुरूष एकेरीत भारताच्या अचनता शरथ कमलला पराभवाचा धक्का बसला. सिंगापूरच्या झहे यू चेव्हने त्याचा 7-11, 14-12, 9-11 असा पराभव केला. त्यामुळे सुवर्ण पदकाच्या शर्यतीत भारत आणि सिंगापूर यांची 1 - 1 अशी बरोबरी झाली.
मात्र त्यानंतर सत्यन गणसेकरणने सिंगापूरच्या यू एन कोन पँगचा 12 - 10, 11-7, 11-7, 11-4 असा जिंकत भारताला पुन्हा 2 - 1 अशी आघाडी मिळवून दिली. त्यानंतर हरमीत देसाईने झी यू क्लारेन्स चूचा 8-11, 5-11, 6-11 अशा गेममध्ये एकतर्फी पराभव करत भारताचे नाव सुवर्ण पदकावर कोरले. भारताने सिंगापूरचा 3-1 असा पराभव करत सलग दुसऱ्या राष्ट्रकुल स्पर्धेत सुवर्ण पदक जिंकले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
