Women’s Asian Champions Trophy 2024: गतविजेत्या भारतीय महिला हॉकी संघाची आशियाई चॅम्पियन्स हॉकी करंडकातील दमदार कामगिरी रविवारीही कायम राहिली. भारतीय महिला संघाने जपानवर ३-० असा विजय मिळवला.
यजमान भारतीय महिला संघाने साखळी फेरीत पाचही लढतींमध्ये विजयावर मोहोर उमटवत १५ गुणांसह पहिले स्थान कायम राखले. चीनच्या संघाने १२ गुणांसह दुसरे, मलेशियाने सहा गुणांसह तिसरे आणि जपानने पाच गुणांसह चौथे स्थान पटकावले. भारतासमोर उपांत्य फेरीच्या लढतीत जपानचे, तर चीनसमोर मलेशियाचे आव्हान असणार आहे.
