Women’s Asian Champions Trophy 2024: गतविजेत्या भारतीय महिला हॉकी संघाने मंगळवारी (११ नोव्हेंबर) दक्षिण कोरियन संघावर ३-२ असा रोमहर्षक विजय साकारला. दीपिकाने लढत संपायला तीन मिनिटे बाकी असताना शानदार गोल करीत भारताला विजय मिळवून दिला.
सलग दुसऱ्या विजयासह भारतीय महिला हॉकी संघाने गुणतालिकेत सहा गुणांसह दुसरे स्थान पटकावले. संगीताकुमारीने एक, तर दीपिकाने दोन गोल करीत भारताचा विजय निश्चित केला.
आशियाई चॅम्पियन्स हॉकी करंडकात चीनचा संघ दोन विजय अन् सहा गुणांसह सरस गोलफरकाच्या जोरावर पहिल्या स्थानावर विराजमान आहे.
