Norway Chess Tournament : आर. प्रज्ञानंदची शानदार सुरुवात तर ; कार्ससनचा विश्वविजेत्यावर विजय

स्टॅव्हेंजर (नॉर्वे) : येथे आजपासून सुरू झालेल्या नॉर्वे बुद्धिबळ स्पर्धेत भारताच्या आर. प्रज्ञानंदने धडाकेबाज सुरुवात करून फ्रान्सच्या फिरोज्जा अलीरेझाचा सहज पराभव केला. निर्धारित वेळेतील लढत अनिर्णित राखल्यानंतर प्रज्ञानंदला पांढऱ्या मोहऱ्यांसह खेळताना १० मिनिटे मिळाली. तर फिरोज्जा अलीरेझाकडे केवळ सातच मिनिटे होते. प्रज्ञानंदने या संधीचा फायदा घेत शानदार विजय मिळवला.

जागतिक क्रमवारीत पहिल्या स्थानावर असलेल्या मॅग्नस क्लार्सनने विश्वविजेत्या चीनच्या डिन लिरेनविरुद्धचा पहिला डाव १४ चालींतच अनिर्णित राखला; पण पुढच्या ६८ चालींच्या मॅरेथॉन डावात त्याचा पराभव केला. तर हिकारू नाकामुरा याने फॅबियानो काऊआनाविरुद्ध आपले वर्चस्व सिद्ध केले. पहिल्या फेरीनंतर प्रज्ञानंद, कार्लसन आणि नाकामुरा प्रत्येकी १.५ गुणांसह संयुक्तपणे आघाडीवर आहेत. महिलांमध्ये प्रज्ञानंदची बहिण आर. वैशालीचा युक्रेनच्या ॲना मुझीचूकविरुद्ध पराभव झाला. या पहिल्या डावात वैशाली काळ्या मोहऱ्यांसह खेळत होती.

पहिल्या फेरीचे निकाल

आर प्रज्ञानंद (भारत, १.५) वि.वि. फिरोज्जा अलीरेझा (फ्रान्स १.५-१); डिंग लिरेन (चीन १) पराभूत वि. मॅग्नस कार्ससन १.५); फॅबियानो कारुआना (अमेरिका १) पराभूत वि. हिकारू नाकामुरा (अमेरिका १.५)

महिला : पिया क्रॅमलिंग (स्वीत्झर्लंड १) पराभूत वि. कोनेरू हम्पी भारत १.५); वेनजुन जू (चीन १.५) वि.वि. आर वैशाली (भारत १.५-१); ॲना मुझीचूक (युक्रेन १) पराभूत वि. टिंगजी लेई (चीन, १.५-१).