ऑस्ट्रेलियाच्या रिचर्डसनला पर्याय म्हणून केली निवड
IPL 2021 in UAE: कोरोनाच्या (Coronavirus) तडाख्यामुळे अर्ध्यातच थांबवलेली IPL स्पर्धा १९ सप्टेंबरपासून पुन्हा सुरू करण्यात येणार आहे. या स्पर्धेसाठी अनेक खेळाडूंनी आपली उपलब्धता (Availability) कळवली आहे. पण काही खेळाडूंनी मात्र यातून वैयक्तिक (Personal Reasons) कारणास्तव माघार घेतली आहे. पंजाबच्या (Punjab Kings) संघातील वेगवान ऑस्ट्रेलियन गोलंदाजी झाय रिचर्डसन (Jhye Richardson) याने स्पर्धेतून माघार घेतल्यामुळे त्याच्या संघात इंग्लंडचा स्टार फिरकीपटू आदिल रशीद (Adil Rashid) याला स्थान देण्यात आले आहे. पंजाबच्या संघाने आपल्या ट्वीटर (Twitter) हँडलवरून ही घोषणा केली.
झाय रिचर्डसन याला पंजाबच्या संघाने १४ कोटींची बोली लावून विकत घेतले होते. पण त्याने फारशी चांगली कामगिरी केली नाही. आता युएईमध्ये होणाऱ्या IPLच्या उर्वरित सामन्यांसाठी त्याने माघार घेतली आहे. त्यामुळे त्याच्या जागी रशिदला संघात स्थान देण्यात आले आहे. रशिदने अनेकदा लिलावासाठी आपले नाव नोंदवले होते, पण त्याच्यावर कोणत्याही संघाने बोली लावली नव्हती. असे असताना रिचर्डसनची अनुपस्थिती ही रशिदसाठी एक प्रकारची संधीच ठरणार आहे.
आदिल रशिदने आतापर्यंत विविध लीग स्पर्धा आणि इंग्लंडकडून खेळताना २०१ टी २० सामन्यांत २३२ बळी टिपले आहेत. इंग्लंडचे प्रतिनिधित्व करताना त्याच्या नावावर ६५ टी २० बळी आहेत. त्यामुळे पंजाबला त्याच्या समावेशाचा किती फायदा होतो हे पाहणे औत्सुक्याचे ठरणार आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
