Abhishek Sharma IPL 2024 : आयपीएल 2024 चा 23 वा सामना सनरायझर्स हैदराबाद आणि पंजाब किंग्ज यांच्यात खेळला जात आहे. या सामन्यात पंजाबचा कर्णधार शिखर धवनने नाणेफेक जिंकून प्रथम गोलंदाजी करण्याचा निर्णय घेतला आहे. या सामन्यात युवा खेळाडू अभिषेक शर्माने सनरायझर्स हैदराबादसाठी मोठी कामगिरी आहे.
पंजाब किंग्जविरुद्धच्या सामन्यात अभिषेक शर्माला मोठी धावसंख्या करता आली नाही. त्याने 11 चेंडूत 2 चौकार आणि 1 षटकारासह 16 धावा केल्या. यासह त्याने सनरायझर्स हैदराबादसाठी टी-20 क्रिकेटमध्ये 1000 धावा पूर्ण केल्या आहेत.
सनरायझर्स हैदराबाद संघासाठी 1000 धावा पूर्ण करणारा तो पहिला अनकॅप्ड भारतीय खेळाडू आहे. सध्याच्या मोसमात सनरायझर्स हैदराबादसाठी तो उत्कृष्ट फॉर्ममध्ये आहे. पण पंजाब किंग्जविरुद्ध त्याची बॅट चालली नाही. चालू हंगामात त्याने मुंबई इंडियन्सविरुद्ध स्फोटक पद्धतीने 64 धावा केल्या होत्या.
सनरायझर्स हैदराबादकडून टी-20 क्रिकेटमध्ये डेव्हिड वॉर्नरने सर्वाधिक धावा केल्या आहेत. त्याने 4014 धावा केल्या आहेत. शिखर धवन दुसऱ्या क्रमांकावर आहे. त्याने 2768 धावा केल्या आहेत. सनरायझर्स हैदराबादसाठी टी-20 क्रिकेटमध्ये हजाराहून अधिक धावा करणारा अभिषेक शर्मा हा सहावा फलंदाज आहे.
सनरायझर्स हैदराबादसाठी T20 क्रिकेटमध्ये सर्वाधिक धावा करणारा खेळाडू:
डेव्हिड वॉर्नर- 4014 धावा
शिखर धवन- 2768 धावा
केन विल्यमसन- 2101 धावा
मनीष पांडे- 1345 धावा
जॉनी बेअरस्टो- 1038 धावा
अभिषेक शर्मा- 1007 धावा
अभिषेक शर्मा 2018 पासून आयपीएलमध्ये खेळत आहे. त्याने आतापर्यंत 52 आयपीएल सामन्यांमध्ये 1070 धावा केल्या आहेत ज्यात 5 अर्धशतकांचा समावेश आहे. अभिषेक आयपीएलमधील दिल्ली कॅपिटल्स संघाचाही भाग होता.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
