MS Dhoni RCB vs CSK IPL 2024 : आरसीबी विरूद्ध चेन्नई हा चिन्नास्वामीवरील सामना महेंद्रसिंह धोनीचा शेवटचा सामना ठरणार का अशी चर्चा सुरू झाली आहे. क्रिकेट चाहते धोनी अजून एक हंगाम खेळावा अशी प्रार्थना करत आहे. धोनीने आरसीबीविरूद्ध 13 चेंडूत 26 धावांची खेळी केली. त्याने शेवटच्या षटकात षटकार मारत सीएसकेची प्ले ऑफची आशा जिवंत ठेवली होती. मात्र पुढच्याच चेंडूवर यश दयालने त्याला बाद करत चेन्नईला मोठा धक्का दिला. तिथून पुढे चेन्नईला त्या षटकात फक्त एकच धाव करता आली.
दरम्यान, सामन्यानंतर एक निराशाजनक व्हिडिओ सोशल मीडियावर व्हायरल होत आहे. सामन्यानंतर निराश झालेल्या धोनीने आरसीबी खेळाडूंशी हस्तांदोलन करणे टाळले अन् ड्रेसिंग रूममध्ये गेला.
आयपीएलच्या 17 व्या हंगामात महेंद्रसिंह धोनी पूर्णपणे फिट नव्हता. सामन्यानंतर धोनी चेन्नईच्या संघाच्या पुढे उभे राहून आऱसीबी खेळाडूंची वाट पाहत होता. आरसीबीचे खेळाडू सेलिब्रेशन करत होते. धोनी त्यांचं सेलिब्रेशन संपण्याची वाट पाहत होता. मात्र थोडी वाट पाहिल्यानंतर धोनीने ड्रेसिंग रूममध्ये जाण्याचा निर्णय घेतला.
धोनीने ड्रेसिंग रूममध्ये परतत असताना आरसीबीच्या सपोर्ट स्टाफशी आणि राखीव खेळाडूंशी हस्तांदोलन केलं.
धोनीने आरसीबीच्या प्लेईंग 11 मधील खेळाडूंशी हस्तांदोलन केलं की नाही हे अजून समजू शकलेलं नाही. एका व्हिडिओनुसार विराट कोहली नंतर धोनीला भेटण्यासाठी ड्रेसिंग रूममध्ये गेल्याचं आढळू आलं.
यंदाच्या आयपीएल हंगामाची क्वालिफायर 2 आणि फायनल ही चेपॉक स्टेडियमवर होणार आहे. हे सीएसकेचा होम ग्राऊंड आहे. चाहत्यांना वाटत होतं की धोनी आणि त्याचा संघ यंदा होम ग्राऊंडवर आयपीएलची ट्रॉफी उंचावले. मात्र आरसीबीने त्यांचे हे स्वप्न धुळीस मिळवलं.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
