BCCI SGM Meeting World Cup 2023 : भारतात होणाऱ्या वनडे वर्ल्डकप 2023 ला आता काही महिनेच शिल्लक आहेत. त्यामुळे बीसीसीआयने कंबर कसली असून आयपीएलच्या फायनलपूर्वीच बीसीसीआयची सर्वसाधारण बैठक आयोजित केली आहे. आयपीएलची फायनल ही अहमदाबादच्या नरेंद्र मोदी स्टेडियमवर होणार आहे. यापूर्वी 27 मे रोजी अहमदाबादमध्येच बीसीसीआयची सर्वसाधारण बैठक होणार आहे. या बैठकीत वनडे वर्ल्डकपचे सामने खेळवण्यासाठी 12 ठिकाणे फायनल केली जाणार आहेत. याचबरोबर लौंगिक अत्याचार विरोधी धोरणातील त्रुटी दूर करण्यासाठी देखील याच बैठकीत चर्चा केली जाईल. काही दिवसांपूर्वीच बीसीसीआयला एनएचआरसीकडून पत्र आले आहे.
स्पोट्स स्टारने दिलेल्या वृत्तानुसार बीसीसीआने अहमदाबादमध्ये विशेष सर्वसाधारण बैठक आयोजित केली आहे. या बैठकीला बीसीसीआयचे अध्यक्ष रॉजर बिन्नी, सचिव जय शहा देखील उपस्थित राहणार आहेत. हे सर्वजण आयपीएलचा फायनल सामना पाहण्यासाठी देखील उपस्थित असतील. या बौठकीत पाच मुद्द्यांवर चर्चा केली जाणार आहे.
पायाभूत विकास आणि अनुदान समितीची स्थापना करणे
राज्य संघात सायको थेरपिस्ट आणि ट्रेनर नियुक्त करण्याची नियमावली तयार करणे.
आयसीसी वनडे वर्ल्डकप 2023 साठी वर्किंग ग्रुपची स्थापना करणे.
महिला प्रीमियर लीगसाठी समिती स्थानप करणे.
लैंगिक अत्याचार विरोधी धोरणातील त्रुटी दूर करणे.
आयसीसी वनडे वर्ल्डकप हा फक्त 4 महिने दूर आहे. आयसीसीने याबाबतचे वेळापत्रक अजून जाहीर केलेले नाही. 10 संघांचा सहभाग असलेल्या या स्पर्धेसाठी 12 ठिकाणे नक्की करायची आहेत. बीसीसीआय सर्वसाधारण बैठकीत वर्किंग ग्रुप फायनल करेल. याचबरोबर महिला प्रीमियर लीगचे काम देखील सुरू करण्यात येईल. बीसीसीआय महिला प्रीमियर लीग दिवळीत घेण्यासाठी उत्सुक आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
