जयपूर : विराट कोहलीने यंदाच्या आयपीएल मोसमात आतापर्यंत सर्वाधिक धावा केल्या आहेत; पण राजस्थान रॉयल्सचे मुख्य प्रशिक्षक कुमार संगकारा यांनी जॉस बटलर याचे कौतुक करताना म्हटले की, बटलर हा सफेद चेंडूने खेळल्या जाणाऱ्या क्रिकेटमधील सर्वोत्तम सलामी फलंदाज आहे.
जॉस बटलर याने शनिवारी झालेल्या लढतीत अवघ्या ५८ चेंडूंमध्ये शतकी खेळी साकारत राजस्थानला बंगळूरवर दमदार विजय मिळवून दिला. याच पार्श्वभूमीवर संगकारा म्हणाले, बटलर हा अव्वल दर्जाचा सलामी फलंदाज आहे. सुमार फॉर्ममधून जात असताना त्याने टीकाकारांकडे लक्ष देऊ नये. त्याच्याकडून आपसूकच छान खेळ होऊ शकतो.
दरम्यान, जॉस बटलरने शतकी खेळीनंतर आपले मत व्यक्त करताना म्हटले की, तुम्ही अधिक वर्षे क्रिकेट खेळल्यानंतरही दबाव व चिंता सतावत असते. एखादप्रसंगी स्वत:च्या मनाला समजावून सांगतो; पण अधिक मेहनत करण्याला पर्याय नसतो. मागील लढतीत माझ्याकडून छान फलंदाजी झाली नाही. त्यामुळे निराश होतो.
१० ते १५ धावा कमी पडल्या : ड्युप्लेसी
राजस्थानविरुद्ध झालेल्या पराभवानंतर बंगळूर संघाचा कर्णधार फाफ ड्युप्लेसी म्हणाला, राजस्थानला नाणेफेक जिंकल्याचा फायदा झाला. दुसऱ्या डावात मैदानात दव पडल्याचा फटका आम्हाला बसला. गोलंदाजांकडून अपेक्षित कामगिरी झाली नाही. आम्हाला आणखी १० ते १५ धावा अधिक करायला हव्या होत्या.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
