CSK vs PBKS Devon Conway : चेन्नई सुपर किंग्जने पंजाब किंग्ज विरूद्धच्या सामन्यात 20 षटकात 4 बाद 200 धावा केल्या. चेन्नईकडून सलामीवीर डेवॉन कॉन्वेने सर्वाधिक 52 चेंडूत नाबाद 92 धावा केल्या. महेंद्रसिंह धोनीने शेवटच्या षटकातील शेवटच्या दोन चेंडूवर दोन षटकार लगावत चेन्नईला 200 धावांपर्यंत पोहचवले. ऋतुराज गायकवाडने 37 तर शिवम दुबेने 28 धावांचे योगदान दिले. पंजाबकडून सिकंदर रझा, अर्शदीप सिंग, सॅम करन आणि राहुल चाहरने प्रत्येकी 1 विकेट घेतली.
चेन्नई सुपर किंग्जने नाणेफेक जिंकून प्रथम फलंदाजी करण्याचा निर्णय घेतला. सलामीवीर ऋतुराज गायकवाड आणि डेवॉन कॉन्वे यांनी हा निर्णय सार्थ ठरवला. या दोघांनी 86 धावांची भागीदारी रचतली. मात्र ऋतुराज सिकंदर रझाच्या गोलंदाजीवर 37 धावा करून बाद झाला. यानंतर कॉन्वेने यंदाच्या हंगामातील आपले पाचवे अर्धशतक ठोकत संघाला शतकी मजल मारून दिली. त्याच्या साथीला आलेल्या शिवम दुबेने देखील आक्रमक साथ देण्यास सुरूवात केली.
डेवॉन कॉन्वे आणि शिवम दुबे यांनी दुसऱ्या विकेटसाठी 44 धावांची भागीदारी रचली. मात्र त्याची ही भागीदारी अर्शदीप सिंगने फोडली. त्याने दुबेला 28 धावांवर बाद केले. यानंतर आलेला मोईन अली 10 धावांची भर घालून परतला. मोईन अलीने रविंद्र जडेजासोबत डेवॉन कॉन्वेने चेन्नईला 180 चा टप्पा पार करून दिला. मात्र 19 व्या षटकात जडेजा बाद झाला. तोपर्यंत कॉन्वे देखील आपल्या शतकाच्या जवळ पोहचला होता.
शेवटच्या षटकात महेंद्रसिंह धोनी खेळण्यासाठी मैदानावर आला. त्याने 2 चेंडूत 1 धाव करत कॉन्वेला शतक ठोकण्याची संधी दिली. 91 धावांवर असलेल्या कॉन्वेकला 3 चेंडूत 9 धावा करायच्या होत्या. मात्र चौथ्या चेंडूवर त्याचा मोठा फटका मारण्याचा प्रयत्न फसला अन् तो झेलबाद होता हातो वाचला. दरम्यान, कॉन्वेने 1 धाव घेत स्ट्राईक धोनीकडे दिले होते.
धोनीने पाचव्या चेंडूवर सेहवाग स्टाईल पॉईंटच्या वरून षटकार मारला. त्यानंतर शेवटच्या चेंडूवर मिडविकेटला षटकार खेचत चेन्नईला 200 धावांपर्यंत पोहचवले. कॉन्वेचे शतक नाही मात्र सीएसकेच्या 200 धावा मात्र पूर्ण झाल्या. धोनीने 4 चेंडूत 13 धावा ठोकल्या.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
