Dinesh Karthik Retirement Hint CSK vs RCB : आयपीएलचा 17 वा हंगाम हा अनेक बदलांचा हंगाम सिद्ध होत आहे. महेंद्रसिंह धोनीने सीएसकेची कॅप्टन्सी सोडून ती ऋतुराज गायकवाडकडे सोपवली. मुंबईचा देखील कर्णधार बदलला असून आता हार्दिक पांड्याच्या पद्धतीने एमआयचे निर्णय होणार आहेत. दरम्यान, हंगामातील पहिल्याच सामन्यात आरसीबीसाठी महत्वाची भुमिका बजावणाऱ्या दिनेश कार्तिकने मोठी पत्रकार परिषदेत मोठे संकेत दिले.
दिनेश कार्तिकने गेल्या आयपीएल हंगामानंतर फक्त विजय हजारे ट्रॉफी खेळली आहे. तो भारत आणि इंग्लंड यांच्यातील कसोटी मालिकेत समालोचन करत होता. याचवेळी तो आयपीएलची तयारी आणि सराव देखील कर होता. मात्र समालोचन आणि क्रिकेट खेळणं एकाचवेळी सुरू ठेवणं खूप कठीण आहे हे त्यानं मान्य केलं.
दिनेश कार्तिक आपले शेवटचा आयपीएल हंगाम खेळत आहे. त्याने पहिल्याच सामन्यात आरसीबीसाठी 26 चेंडूत 38 धावांची खेळी केली. त्याने अनुज रावत सोबत सहाव्या विकेटसाठी 50 चेंडूत 95 धावांची भागीदारी रचली. यामुळे आरसीबी 173 धावांपर्यंत पोहचू शकला.
दिनेश कार्तिक म्हणाला की, 'समालोचन आणि क्रिकेटचा सराव या दोन्ही एकाचवेळी करणं खूप आव्हानात्मक आहे. या दोन्ही गोष्टी करताना मला खूप कष्ट करावे लागले. पहिल्या सामन्यात चांगली कामगिरी करू शकलो याचा मला आनंद आहे. संघासाठी धावा करणे हे कायम समाधान देतं.'
होम ग्राऊंड चेपॉकवर हा त्याचा शेवटचा सामना होता का याबाबत बोलताना कार्तिक म्हणाला की, 'मला वाटतं हे येणारा काळच सांगेल. मला वाटतं की नाही कारण गेल्या काही हंगामापासून प्ले ऑफचे गेम चेन्नईत झाले आहेत. त्यामुळे मी पुन्हा या स्टेडियमवर खेळायला येण्याची शक्यता आहे.'
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
