आयपीएलच्या १५ व्या हंगामात मुंबई इंडियन्सने विजयासह आपला प्रवास संपवला. मुंबईने शेवटच्या सामन्यात दिल्ली कॅपिटल्सचा 5 गडी राखून पराभव केला. या पराभवामुळे ऋषभ पंतच्या नेतृत्वाखालील दिल्ली संघाचे प्ले ऑफमध्ये जाण्याचे स्वप्नही भंगले. मुंबईच्या विजयाचा फायदा रॉयल चॅलेंजर्स बंगळुरूला झाला. आणि सामन्याचा विजयाचा हिरो ठरला मुंबईचा टीम डेव्हिड. ज्याने 11 चेंडूत 34 धावा करत 4 षटकार मारले.
टीम डेव्हिडने सामना संपल्यानंतर एक मोठा खुलासा केला आहे. टीम डेव्हिड म्हणाला की, आरसीबी संघाचा कर्णधार फाफ डू प्लेसिसने मला मेसेज केला होता. या मेसेजमध्ये विराट कोहली, ग्लेन मॅक्सवेल आणि फॅफचे फोटो होते. तिघांनीही मुंबई इंडियन्सला सपोर्ट करण्यासाठी एमआय टीमच्या जर्सी घेतले होते. आणि त्या खाली लिहिले होते, विजयाने सीझन संपवणं हा एक चांगला अनुभव आहे.
सामन्याबद्दल बोलायचं झालं तर, मुंबई संघाचा कर्णधार रोहित शर्माने नाणेफेक जिंकून प्रथम गोलंदाजी करण्याचा निर्णय घेतला. यानंतर दिल्लीला केवळ 159 धावांवरच करता आल्या. रोव्हमन पॉवेलने 34 चेंडूत 43 तर ऋषभ पंतने 33 चेंडूत 39 धावा केल्या. जसप्रीत बुमराहने 3 आणि रमणदीप सिंगने 2 बळी घेतले. प्रत्युत्तरात मुंबई संघाने 5 चेंडू बाकी असताना 160 धावा करत हा सामना 5 गडी राखून जिंकला. सलामीवीर ईशान किशनने 35 चेंडूत 48 धावा, डेवाल्ड ब्रेव्हिसने 33 चेंडूत 37 आणि टीम डेव्हिडने 11 चेंडूत 34 धावा करत सामना जिंकला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
