Gautam Gambhir : टीम इंडियाचा माजी क्रिकेटपटू गौतम गंभीर आयपीएल 2024 मध्ये कोलकाता नाइट रायडर्सचा मेंटर म्हणून काम करत आहे. गौतम केकेआरमध्ये परतल्यानंतर या हंगामात संघाच्या कामगिरीत मोठा बदल झाला आहे.
केकेआर प्लेऑफमध्ये पोहोचला असून संघाचा क्वालिफायर 1 सामना सनरायझर्स हैदराबादसोबत होणार आहे. याचं श्रेयही बऱ्याच अंशी गौतम गंभीरला जातं, ज्या प्रकारे त्याने टीमसोबत काम केलं आहे. गौतम अनेकदा आपल्या वक्तव्यांमुळे चर्चेत असतो. पुन्हा एकदा गौतमने टीम इंडियाच्या निवडकर्त्यांबाबत असे वक्तव्य केल्याने त्याच्या या वक्तव्याची पुन्हा चर्चा सुरू झाली आहे.
गौतम गंभीरने टीम इंडियाचा फिरकी गोलंदाज आर अश्विनसोबत यूट्यूबवर एका चॅट शोमध्ये सांगितले की, जेव्हा मी माझ्या पहिल्या अंडर-14 स्पर्धेसाठी प्रयत्न केला तेव्हा निवडकर्त्यांच्या पायांना स्पर्श न केल्यामुळे माझी निवड होऊ शकली नाही. त्या वेळी मी 13 किंवा 14 वर्षांची असेल. त्यानंतर मी स्वत:ला वचन दिले की मी कधीही निवडकर्त्यांच्या पायाला हात लावणार नाही. आजही मी खेळाडूंना माझ्या पायांना हात लावू देत नाही.
गंभीर पुढे म्हणाला की, जेव्हा मी माझ्या करिअरच्या सुरुवातीच्या दिवसांमध्ये अयशस्वी होतो, तेव्हा लोक मला म्हणायचे की मी चांगल्या कुटुंबातून आलो आहे, मग मला क्रिकेट खेळण्याची काय गरज आहे आणि मी माझ्या वडिलांचा व्यवसाय सांभाळला पाहिजे. माझ्याबद्दल लोकांची ही धारणा होती पण भारतासाठी क्रिकेट खेळणे माझ्यासाठी महत्त्वाचे होते.
भारतीय संघासोबतच गौतम गंभीरनेही केकेआरसाठी चमकदार कामगिरी केली. गंभीरने त्याच्या नेतृत्वाखाली केकेआरला प्रथमच चॅम्पियन बनवले. सर्वप्रथम, गौतम गंभीरच्या नेतृत्वाखाली केकेआरने 2012 साली आयपीएलचे विजेतेपद पटकावले होते. याशिवाय केकेआर 2014 साली दुसऱ्यांदा चॅम्पियन बनले. त्याचबरोबर केकेआर पुन्हा एकदा विजेतेपदाचा प्रबळ दावेदार मानला जात आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
