![Shreyas Iyer](http://media.assettype.com/esakal%2F2024-05%2F419ac95c-5deb-4b39-94c1-4a2288bb56e1%2Fgt_vs_kkr_.jpg?w=480&auto=format%2Ccompress&fit=max)
अहमदाबादमध्ये आलेल्या वादळी पावसात गुजरात टायटन्स आणि कोलकाता नाईट रायडर्स यांच्यातील सामना वाहून गेला. सामना रद्द झाल्याने गुजरात टायटन्स अधिकृतरित्या आयपीएल 2024 च्या प्ले ऑफमधून बाहेर पडली आहे.
अहमदाबादमध्ये अजून पाऊस पडत असल्याने सामन्यावर संकट निर्माण झाले आहे. साधारणपणे प्रत्येकी 5 षटकांचा सामना होणार की नाही हे 10.56 ला समजणार आहे. अजून यासाठी खूप वेळ असला तरी तुफान पावसामुळे मैदान ओलं असेल तर सामना रद्द देखील होऊ शकतो.
अहमदाबादमध्ये डस्ट स्टॉर्म आणि जोरदार पाऊस पडल्याने केकेआर विरूद्ध गुजरात सामना होणार की नाही अशी स्थिती निर्माण झाली आहे. जर सामना पावासमुळे रद्द झाला तर त्याचा मोठा फटका गुजरात टायटन्सला बसणार आहे. कारण केकेआर आधीच प्ले ऑफमध्ये पोहचली आहे.
गुजरात टायटन्स आणि कोलकाता नाईट रायडर्स यांच्यात आतापर्यंत तीन सामने झाले आहेत. त्यातील 2 सामने गुजरातने तर एक सामना केकेआरने जिंकला आहे.
आयपीएलचा 63 वा सामना हा गुजरात टायटन्स आणि कोलकाता नाईट रायडर्स यांच्यात नरेंद्र मोदी स्टेडियमवर खेळवला जाणार होता. मात्र वादळी पावसामुळे हा रद्द करावा लागला. सामन्याची नाणेफेकही झाली नाही. दोन्ही संघांना प्रत्येकी 1 गुण देण्यात आला.
याचबरोबर गुजरात टायटन्सचे प्ले ऑफमध्ये जाण्याचे स्वप्न भंगले. तर एक गुण हा केकेआरच्या पथ्यावर पडला आहे. ते आता प्ले ऑफसाठी पहिल्या दोन क्रमांकावर राहून पात्र होणार आहेत. आता सहा संघात प्ले ऑफचे तिकीट मिळवण्यासाठी टक्कर असणार आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.