आयपीएल 2022 ची फायनल रविवारी गुजरात टायटन्स आणि राजस्थान रॉयल्स यांच्यात खेळली जाणार आहे. दोन्ही संघांनी या आयपीएल हंगामात जबरदस्त खेळी केली. शेवटच्या सामन्यात कोणाचं नशीब साथ देते, यावर सर्वांच्या नजरा असतील. गुजरात टायटन्सचा कर्णधार हार्दिक पांड्याचा एक खास विक्रम आहे. तो कधीच फायनलमध्ये हारला नाही.(hardik pandya gujarat titans ipl final record)
आयपीएलच्या या हंगामात हार्दिक पांड्या कर्णधार म्हणून खेळत आहे. त्याच्या नेतृत्वाखाली गुजरातने पहिल्याच हंगामातच अंतिम फेरी गाठली आहे. पण हार्दिक पांड्याची काही पहिलीच आयपीएल फायनल खेळत नाही. तो याआधी पण चार वेळा आयपीएल फायनल खेळला आहे. महत्वाचं म्हणजे चारही फायनल त्याने जिंकल्या आहेत. पांड्या गुजरात टायटन्सपूर्वी मुंबई इंडियन्स कडून खेळत होता. हार्दिक पांड्याने 2015 साली आयपीएलमध्ये पदार्पण केले. त्याने मुंबई इंडियन्ससोबत 2015, 2017, 2019, 2020 मध्ये आयपीएल ट्रॉफी जिंकल्या आहे.
आयपीएल 2022 च्या हंगामात हार्दिक पांड्या एका संघाचा कर्णधार असून त्याच्या नेतृत्वाखाली संघ फायनला पोहोचला आहे. अशा वेळेस विजेतेपद मिळवून तो इतिहास रचू शकतो. पांड्या तसेच आयपीएल फायनल जिंकण्याचा विक्रम कायम ठेवण्याचा प्रयत्न करेल. हार्दिक पांड्याच्या या हंगामामध्ये फलंदाजीत जबरदस्त फॉर्ममध्ये आहे. त्याने आतापर्यंत 14 सामन्यांमध्ये 45 पेक्षा जास्त सरासरीने 453 धावा केल्या आहेत. हार्दिक पांड्याने या हंगामात 4 अर्धशतके पण केली आहेत. पांड्यासाठी हा हंगाम फलंदाज म्हणून सर्वोत्तम ठरला आहे.
हार्दिक पांड्याच्या नेतृत्वाखालील गुजरात टायटन्सचा अंतिम सामना राजस्थान रॉयल्सशी अहमदाबादच्या नरेंद्र मोदी स्टेडियमवर रात्री 8 वाजता खेळला जाणार आहे. गुजरात टायटन्सने क्वालिफायर-1 मध्ये राजस्थान रॉयल्सचा पराभव करून अंतिम फेरी गाठली होती. गुजरात टायटन्सला पहिला हंगाम खेळत असताना त्यांना चॅम्पियन बनण्याची संधी आहे, तर राजस्थान रॉयल्सने 2008 साली हे विजेतेपद पटकावले आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
