![How Delhi Capitals Can Still Qualify For Playoff](http://media.assettype.com/esakal%2F2024-05%2F576af5a8-16d6-4262-8599-0724ad4ab8a4%2FHow_Delhi_Capitals_Can_Still_Qualify_For_Playoff.jpg?w=480&auto=format%2Ccompress&fit=max)
How Delhi Capitals Can Still Qualify For Playoff : लखनौ सुपर जायंट्सविरुद्ध दिल्ली कॅपिटल्सने दणदणीत विजय मिळवला. या विजयासह दिल्लीने प्ले ऑफमध्ये पोहोचण्याच्या आशा कायम ठेवल्या आहेत.
ऋषभ पंतच्या नेतृत्वाखालील दिल्ली कॅपिटल्सने या हंगामात आतापर्यंत आपले सर्व लीग सामने खेळले आहेत, त्यापैकी 7 सामने जिंकले आहेत. दिल्ली 14 सामन्यांतून 7 विजयांसह 14 गुणांसह गुणतालिकेत पाचव्या स्थानावर आहे. विशेष म्हणजे दिल्लीचा नेट रन रेट -0.377 आहे. तुम्हाला जाणून आश्चर्य वाटेल, पण दिल्ली अजूनही प्लेऑफसाठी पात्र ठरू शकते.
दिल्ली कॅपिटल्सचे भविष्य आता त्याच्या हातात नाही तर इतर संघांवर आहे. पॅट कमिन्सच्या नेतृत्वाखालील सनरायझर्स हैदराबादला मोठा पराभव पत्करावा लागला तरच दिल्लीला प्लेऑफसाठी पात्रता मिळू शकेल.
हैदराबादने या हंगामात आतापर्यंत एकूण 12 सामने खेळले आहेत, त्यापैकी 7 विजयांसह ते गुणतालिकेत चौथ्या स्थानावर आहे. हैदराबादचा नेट रन रेट +0.406 आहे. हैदराबादचेही 14 गुण आहेत तर दिल्लीचेही 14 गुण आहेत. अशा स्थितीत हैदराबादने पुढचे दोन सामने गमावले तर हैदराबाद आणि दिल्ली या दोघांची 14-14 अशी स्थिती असेल. येथे संपूर्ण खेळ नेट रन रेटचा असेल.
जर हैदराबादचा नेट रन रेट दिल्लीपेक्षा कमी झाला, तर दिल्लीही प्लेऑफसाठी पात्र ठरू शकते. हैदराबादचा एक सामना गुजरात टायटन्सविरुद्ध 16 मे रोजी खेळायचा आहे, तर दुसरा सामना 19 मे रोजी पंजाब किंग्जविरुद्ध खेळायचा आहे. जर हैदराबादने दोन्ही सामने एकूण 194 धावांनी गमावले तर त्याचा नेट रन रेट दिल्लीपेक्षा वाईट होईल.
यानंतर चेन्नई सुपर किंग्जने रॉयल चॅलेंजर्स बंगळुरूलाही या सामन्यात पराभूत केले तर दिल्ली प्लेऑफसाठी पात्र ठरेल. अशा स्थितीत दिल्लीला नशिबाची साथ मिळते का हे पाहायचे आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.