IPL 2021 MI vs KKR: मुंबईच्या संघाने प्रथम फलंदाजी करताना ६ बाद १५५ धावांपर्यंत मजल मारली. सलामीवीर रोहित शर्मा आणि क्विंटन डी कॉक यांनी दमदार सुरुवात मिळवून दिली होती. पण रोहित शर्मा ३३ धावांवर बाद झाला आणि संघाची धावगती मंदावली. त्यानंतर डी कॉकने एकाकी झुंज देत ५५ धावांची खेळी केली. त्याच्या खेळीमुळे संघाला १५०पार मजल मारता आली. या आव्हानाचा पाठलाग करताना कोलकाताने चांगली सुरूवात केली होती. पण जसप्रीत बुमराहच्या स्मार्ट गोलंदाजीपुढे शुबमन गिल फिका पडला.
शुबमन गिल आणि व्यंकटेश अय्यर हे दोघे कोलकाताकडून डाव सुरू करण्यासाठी आले. दोघांनीही धडाकेबाज सुरूवात केली होती. या दोघांनी ३ षटकांत कोलकाताला ४० धावा करून दिल्या. पण जसप्रीत बुमराहने अतिशय योग्य वेळी गिलचा काटा काढला. तिसऱ्या षटकात तो गोलंदाजी करत असताना त्याने शुबमन गिलला एका संथ गतीचा चेंडू टाकला. तो चेंडू खेळणं गिलला जमलं नाही. नक्की काय होतंय हे समजेपर्यंत चेंडू स्टंपवर आदळला आणि गिल ची दांडी गुल झाली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
