IPL 2021 MI vs KKR: गतविजेत्या मुंबई संघाच्या स्टार गोलंदाजांच्या फळीला जोरदार चोप देत कोलकाताने सामन्यात ७ गडी राखून विजय मिळवला. मुंबई इंडियन्सचा सलामीवीर क्विंटन डी कॉक याने केलेल्या झुंजार अर्धशतकाच्या (५५) बळावर संघाने २० षटकात ६ बाद १५५ धावांपर्यंत मजल मारली होती. या आव्हानाचा पाठलाग करताना कोलकाता संघाचा सलामीवीर व्यंकटेश अय्यर (५३) आणि राहुल त्रिपाठी (७४*) यांच्या फटकेबाजीच्या जोरावर KKR ने मुंबईवर सहज विजय मिळवला.
राहुल त्रिपाठीने सुरुवातीपासूनच तुफान फटकेबाजी सुरू केली. बुमराह, बोल्ट, चहर कोणत्याही गोलंदाजावर दया माया न करता त्याने धडाका सुरूच ठेवला. राहुल त्रिपाठीने व्यंकटेश अय्यरच्या साथीने ५२ चेंडूत ८८ धावांची दमदार भागीदारी केली. व्यंकटेश अय्यर जेव्हा ५३ धावा करून बाद झाला, त्यानंतर राहुलने एकहाती सामना पुढे नेला. चौकार षटकारांची बरसात करत त्याने संघाला विजय मिळवून दिला. त्याने आपली खेळी ८ चौकार आणि ३ षटकारांनी सजवली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
