पृथ्वी शॉने 20 चेंडूत 41 धावांची तुफानी खेळी करत संघाला पॉवर प्लेमध्येच 80 धावांच्या पार पोहचवले. अखेर राहुल चहने त्याला बाद करत पंजाबला पहिले यश मिळवून दिले.
पंजाब किंग्जने दिल्ली कॅपिटल्स समोर ठेवलेल्या 116 धावांचे माफक आव्हान पार करताना धडाकेबाज सुरूवात केली. पृथ्वी शॉ आणि डेव्हिड वॉर्नरने पॉवर प्लेमध्येच 81 धावा चोपून काढल्या.
पंजाब किंग्जने दिल्ली कॅपिटल्स विरूद्ध 20 षटकात सर्वबाद 115 धावाच केल्या. . दिल्लीकडून खलील अहमद, ललित यादव, अक्षर पटेल आणि कुलदीप यादव यांनी प्रत्येकी 2 विकेट घेतल्या. पंजाबकडून जितेश शर्माने सर्वाधिक 32 धावा केल्या.
पंजाबचा तळाचा फलंदाज राहुल चहरने 12 धावा करत कशीबशी संघाला शंभरी गाठून दिली. मात्र त्याची ही खेळी ललित यादवने संपवली.
20 चेंडूत 12 धावांची खेळी करणारा पंजाबचा धडाकेबाज फलंदाज अखेर खलील अहमदच्या गोलंदाजीवर बाद झाला.
दिल्लीचा चायनामन गोलंदाज कुलदीप यादवने पंजाबला एकाच षटकात दोन धक्के दिले. त्याने कसिगो रबाडा (2) आणि नाथन एलिस (0) 14 व्या षटकात बाद केले.
अक्षर पटेलने सेट झालेल्या जितेश शर्माला बाद करत पंजाबला पाचवा धक्का दिला. त्याने जितेश शर्माला 32 धावांवर बाद केले.
पंजाबने दोन्ही सलामीवीर गमावल्यानंतर लिम लिव्हिंगस्टोन आणि जॉनी बेअरस्टो देखील स्वस्तात माघारी परतले. लिव्हिंगस्टोनला अक्षर पटेलने 2 धावांवर तर बेअरस्टोला खलील अहमदने 9 धावांवर बाद केले.
दिल्लीने नाणेफेक जिंकून प्रथम गोलंदाजी घेत पंजाबच्या दोन्ही सलामीवीरांना पॉवर प्लेमध्येच पॅव्हेलियनमध्ये धाडले. ललित यादवने शिखर धवनला 9 धावांवर तर मुस्तफिजूरने कर्णधार मयांक अग्रवालला 24 धावांवर बाद केले.
अखेर कोरोनाचे सावट दूर करत दिल्ली कॅपिटल्स मैदानावर उतरली. दिल्लीने नाणेफेक जिंकून प्रथम गोलंदाजी करण्याचा निर्णय घेतला.
दिल्ली कॅपिटल्सने ट्विट केले आहे की गेले काही दिवस आमच्यासाठी कठिण होते. मात्र दिल्लीचा संघ पंजाब किंग्ज विरूद्ध लढण्यासाठी तयार आहे.
मुंबई : दिल्ली कॅपिटल्स विरूद्ध पंजाब किंग्ज सामना होणार की नाही? दिल्लीचे किती खेळाडू कोरोनामुळे मुकणार? दिल्ली पूर्ण ताकदीनिशी खेळू शकणार का? असे अनेक प्रश्न सामना सुरू होण्यापूर्वी उपस्थित झाले होते. मात्र दिल्लीने या सर्व प्रश्नांना आपल्या कामगिरीतून उत्तर दिले. त्यांनी पंजाबवर 9 विकेट राखून दणदणीत विजय मिळवला. पंजाब किंग्जचे 116 धावांचे आव्हान पार करताना दिल्लीने धडाक्यात सुरुवात केली. दिल्लीकडून डेव्हिड वॉर्नरने आक्रमक अर्धशतक (57) ठोकले. त्याला दुसरा सलामीवीर पृथ्वी शॉने 20 चेंडूत 41 धावा करून चांगली साथ दिली. या दोघांनी पॉवर प्लेमध्येच 81 धावांपर्यंत मजल मारून दिली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.