अहमदाबाद : गुजरात टायटन्सने राजस्थान रॉयल्सचा 7 गडी राखून विजय मिळवत आपले पहिले वहिले आयपीएल विजेतेपद पटकावले. विशेष म्हणजे गुजरातचा हा पहिलाच हंगाम आहे. गुजरातने राजस्थाने 131 धावांचा आव्हान 18.1 षटकात 3 फलंदाजांच्या मोबदल्यात पार केला. गुजरातकडून हार्दिकने 34, गिलने 45 तर मिलरने 32 धावांची खेळी केली. राजस्थानची फलंदाजी खराब झाली. जॉस बटलरच्या 39 धावांच्या खेळीव्यतिरिक्त इतर फलंदाजांना फारशी चमक दाखवता आली नाही. गुजरातकडून हार्दिक पांड्याने 17 धावात 3 तर साई किशोरने 20 धावात 2 बळी टिपले.
युझवेंद्र चहलने आपला हंगामातला 28 वा बळी टीपला तोही गुजरात टायटन्सचा कर्णधार हार्दिक पांड्या. पांड्या 34 धावा करून माघारी गेला आणि गिल बरोबरची त्याची 63 धावांची भागीदारी संपुष्टात आली.
ट्रेंट बोल्टने मॅथ्यू वेडला 8 धावांवर बाद करत पॉवर प्लेमध्ये गुजरातला दुसरा धक्का दिला.
युझवेंद्र चहलने गुजरातचा सलामीवीर शुभमन गिलचा शुन्यावर असताना कॅच सोडला.
गुजरात टायटन्सने राजस्थान रॉयल्सला 20 षटकात 9 बाद 130 धावांवर रोखले. गुजरातकडून हार्दिक पांड्याने 3 तर साई किशोरने 2 विकेट घेतल्या.
साई किशोरने रवीचंद्रन अश्विनला 6 धावांवर बाद करत राजस्थानचा सहावा फलंदाज बाद केला.
हार्दिक पांड्याने शिमरॉन हेटमायरला 11 धावांवर बाद करत आपल्या चौथ्या षटकाच्या शेवटच्या चेंडूवर राजस्थानला धक्का दिला. हार्दिकची ही सामन्यातील तिसरी शिकार ठरली.
हार्दिक पांड्याने राजस्थानचा अव्वल फलंदाज जॉस बटलरला 39 धावांवर बाद केले.
राशिद खानने राजस्थान रॉयल्सचा फलंदाज देवदत्त पडिक्कलला बाद करत तिसरा धक्का दिला. पडिक्कलने 10 चेंडूत 2 धावा केल्या.
राजस्थानचा सलामीवीर जॉस बटलरने दमदार फलंदाजी करत संघाला 10 षटकात 71 धावांपर्यंत पोहचवले.
संजू सॅमसन आणि जॉस बटलर यांनी दुसऱ्या विकेटसाठी भागीदारी रचण्याचा प्रयत्न केला. मात्र हार्दिक पांड्याने 14 धावांवर संजू सॅमसनला बाद केले.
राजस्थान रॉयल्सने पॉवर प्लेमध्ये एकच विकेट गमावून अर्धशतकी मजल मारली.
राजस्थान रॉयल्सचा आक्रमक सलामीवीर यशस्वी जैसवालला यश दयालने 22 धावांवर बाद केले.
गुजरात टायटन्सने आपल्या संघात एक बदल केला आहे. अल्झारी जोसेफच्या जागी लॉकी फर्ग्युसन याला संधी दिली आहे. तर संजू सॅमसनने राजस्थान रॉयल्स संघात कोणताही बदल केलेला नाही.
संजू सॅमसनने नाणेफेक जिंकून प्रथम फलंदाजी करण्याचा निर्णय घेतला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.