कोलकाता : गुजारात टायटन्सने राजस्थान रॉयल्सचा 7 विकेट राखून पराभव करत पहिल्याच हंगामात फायनलमध्ये प्रवेश केला. गुजरातने राजस्थानचे 189 धावांचे आव्हान 19.3 षटकात 3 फलंदाजांच्या मोबदल्यात पार केले. गुजरातकडून डेव्हिड मिलरने 38 चेंडूत नाबाद 68 धावा चोपत सामना जिंकून दिला. त्याने शेवटच्या षटकात विजयासाठी 16 धावांची गरज असताना सलग तीन षटकार मारत सामना जिंकून दिला. त्याला हार्दिक पांड्याने 40 धावा करून चांगली साथ दिली.
डेव्हिड मिलरने शेवटच्या षटकात 16 धावांची गरज असताना प्रसिद्ध कृष्णाला सलग तीन षटकार मारत सामना संपवला. त्याने 38 चेंडूत नाबाद 68 धावा केल्या. त्याला हार्दिक पांड्याने 27 चेंडूत 40 धावा करून चांगली साथ दिली. या दोघांनी चौथ्या विकेटसाठी शतकी भागीदारी रचली.
हार्दिक पांड्या आणि डेव्हिड मिलर यांनी चौथ्या विकेटसाठी नाबाद अर्धशतकी भागीदारी रचत सामना जवळ आणला.
30 चेंडूत 35 धावा करणाऱ्या मॅथ्यू वेडला मॅकॉयने बाद करत गुजरातला तिसरा धक्का दिला.
पहिल्याच षटकात सेटबॅक बसल्यानंतर शुभमन गिल आणि मॅथ्यू वेडने भागीदारी रचण्यास सुरूवात केली. या दोघांनी दुसऱ्या विकेटसाठी 72 धावांची भागीदारी रचली. मात्र 21 चेंडूत 35 धावा करणारा शुभमन गिल धावबाद झाला.
ट्रेंट बोल्टने गुजरातला पहिल्याच षटकात धक्का दिला. त्याने सलामीवीर वृद्धीमान साहाला भोपळाही न फोडता माघारी परतला.
जॉस बटलरने 56 चेंडूत 89 धावांची खेळी करत राजस्थानला 188 धावांपर्यंत पोहचवले.
राजस्थानचा सलामीवीर जॉस बटलरने सावध सुरूवात करत संघाला 150 च्या जवळ पोहचवले. त्याने सेट झाल्यानंतर आक्रमक फलंदाजी करत त्याने आपले अर्धशतक देखील पूर्ण केले.
हार्दिक पांड्याने जॉस बटलर आणि देवदत्त पडिक्कलची जोडी फाडली. त्याने पडिक्कलला 28 धावांवर बाद केले.
जॉस बटलर आणि संजू सॅमसन यांनी दुसऱ्या विकेटसाठी 68 धावांची भागीदारी रचली. मात्र साई किशोरने ही जोडी फोडली. त्याने 26 चेंडूत 47 धावा करणाऱ्या संजू सॅमसनला बाद केले.
राजस्थानला यश दयालने पहिला धक्का दिला. त्याने यशस्वी जैसवालला 3 धावांवर बाद केले.
राजस्थान रॉयल्स आणि गुजरात टायटन्सने आपल्या प्लेईंग इलेव्हनमध्ये कोणताही बदल केलेला नाही.
गुजरात टायटन्सने नाणेफेक जिंकून प्रथम गोलंदाजी करण्याचा निर्णय घेतला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.