आयपीएल 2022 (IPL 2022) च्या राजस्थान रॉयल्स आणि मुंबई इंडियन्स यांच्यातील सामन्यात राजस्थानचा सलामीवीर जोस बटलरने (Jos Buttler) हंगामातील पहिले शतक ठोकले. जोस बटलरने मुंबईच्या गोलंदाजांची धुलाई करत 68 चेंडूत 100 धावा केल्या. यात त्याने 11 चौकार आणि 5 षटकात मारले.
या शतकाच्या जोरावरच राजस्थान रॉयल्सने मुंबई इंडियन्सचा पराभव केला. दरम्यान सामना झाल्यानंतर युजवेंद्र चहलने (Yuzvendra Chahal) जोस बटलरची आयपीएल टीव्हीसाठी (IPL TV) मुलाखत घेतली. त्यावेळी जोस बटलरने जेव्हापासून मी या हंगामात आलो आहे तेव्हापासून तू माझ्यावर सातत्याने दबाव टाकत आहेस असे म्हणाला. या व्हिडिओत चहल आणि जोस बटलर दोघेही एकमेकांची खेचत होते. चहलने बटलरला तू बॅटिंग करताना खूप आत्मविश्वासाने भरलेला वाटत होतास याचे कारण मी आठव्या - नवव्या क्रमांकावर फलंदाजी करणार होतो?
चहलच्या या प्रश्नावर बटलरने देखील मजेशीर उत्तर दिले. तो म्हणाला की, 'जेव्हापासून मी या हंगामात खेळण्यासाठी आलो आहे तेव्हापासून तू माझ्यावर दबाव टाकत आहेस. त्यामुळे मला तुला रोखण्यासाठी चांगली कामगिरी करणे गरजेचे आहे.'
राजस्थान रॉयल्स आणि मुंबई इंडियन्स यांच्यातील सामन्यात मुंबईने नाणेफेक जिंकून प्रथम गोलंदाजी करण्याचा निर्णय घेतला. प्रथम फलंदाजी करणाऱ्या राजस्थानने 20 षटकात 8 विकेट्सच्या मोबदल्यात 193 धावा केल्या होत्या.
राजस्थानच्या या विजयासाठी दिलेल्या 194 धावांच्या आव्हानाचा पाठलाग करताना मुंबईला 20 षटकात 8 विकेट्सच्या मोबदल्यात 170 धावांपर्यंतच मजल मारता आली. राजस्थानने हा सामना 23 धावांनी जिंकला.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
