इंग्लंडचा जलदगती गोलंदाज मार्क वूड याने आगामी आयपीएल स्पर्धेतून माघार घेतली आहे. त्याची दुखापत लखनऊ सुपर जाएंट्ससाठी मोठी डोकेदुखी ठरू शकते. मार्क वूड याने कोपराला झालेल्या दुखापतीमुळे आयपीएलच्या संपूर्ण हंगामाला मुकणार आहे. मागील आठवड्यात वेस्ट इंडीज विरुद्धच्या पहिल्या कसोटी दरम्यान वूड दुखापतग्रस्त झाला होता. इंग्लंड क्रिकेट बोर्डाने यासंदर्भात लखनऊ फ्रेंचायझीला सूचना दिलीये. मार्क वूड याच्या जागी लखनऊला बदली खेळाडू मिळू शकतो. लखनऊनचा संघ त्याच्या जागी कुणाला स्थान देणार हे पाहणे महत्त्वाचे ठरेल.
वूड याने इंडियन प्रीमियर लीगच्या 2018 च्या हंगामात एकमेव सामना खेळला होता. त्यावेळी तो चेन्नई सुपर किंग्ज संघाचा भाग होता. यंदाच्या हंगामात मार्क वूड आयपीएल 2022 च्या हंगामात नव्याने मैदानात उतरणाऱ्या लखनऊ संघात सहभागी झाला होता. वेस्ट इंडीज विरुद्धच्या सामन्यात वूड याने केवळ 17 षटके गोलंदाजी केली होती.
आयपीएलच्या मेगा लिलावात लखनऊ सुपर जाएंट्स संघाने मार्क वूडसाठी 7.5 कोटी रुपये मोजले होते. त्याला संघात घेण्यासाठी मुंबई इंडियन्स आणि दिल्ली कॅपिटल्स या फ्रेंचायझी संघाने रस दाखवला होता. पण अखेर लखनऊने बाजी मारली. वेस्ट इंडीज विरुद्धच्या सामन्यातील दुखापतीमुळे तो आता स्पर्धेला मुकणार आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
