MI vs SRH : मुंबई अखेरपर्यंत झुंजली मात्र शेवटच्या षटकात हैदराबादची सरशी

मुंबई : अखेरच्या षटकापर्यंत रंगलेल्या सामन्यात सनराईजर्स हैदराबादने मुंबईचा अवघ्या 3 धावांनी पराभव केला. हैदराबादच्या 193 धावांचा पाठलाग करताना मुंबईने 7 बाद 190 धावांपर्यंत मजल मारली. मुंबईकडून रोहित शर्माने सर्वाधिक 48 तर टीम डेव्हिडने 18 चेंडूत 46 धावा केल्या. हैदराबादकडून उमरान मलिकने भेदक मारा करत 23 धावात 3 विकेट घेतल्या. हैदराबादकडून राहुल त्रिपाठीने सर्वाधिक 76 धावा केल्या.

HIGHLIGHTS

रमनदीपने अखेरच्या षटकात विजयासाठी 18 धावांची गरज असताना 15 धावा करून सामना रंगतदार स्थितीत नेला अखेर मुंबईला विजयासाठी 3 धावा कमी पडल्या.

उमरान मलिकने 15 व्या षटकाच्या पहिल्या चेंडूवर तिलक वर्माला बाद केले. त्यानंतर याच षटकाच्या सहाव्या चेंडूवर डॅनियल सॅम्सला 15 धावांवर बाद केले.

सेट झालेल्या इशान किशनला बाद केल्यांनंतर उमरान मलिकने मुंबईचा स्टार युवा फलंदाज तिलक वर्माला देखील 8 धावांवर पॅव्हेलियनचा रस्ता दाखवला.

रोहित शर्मा पाठोपाठ इशान किशनचे देखील अर्धशतक हुकले. मुंबईला शतकी मजल मारून दिल्यानंतर तो 43 धावांवर असताना उमरान मलिकच्या गोलंदाजीवर गर्गकडे झेल देत पॅव्हेलियनमध्ये परतला.

मुंबई इंडियन्सचा कर्णधार रोहित शर्मा अखेर फॉर्ममध्ये परतला. त्याने सलामीवीर इशान किशन सोबत नाबाद अर्धशतकी भागीदारी रचत मुंबईला 10 षटकात 89 धावांपर्यंत पोहचवले. मात्र अर्धशतकाला दोन धावांची गरज असताना तो वॉशिंग्टनला मोठा फटका मारण्याच्या नादात बाद झाला.

राहुल त्रिपाठीबरोबर तिसऱ्या विकेटसाठी 42 चेंडूत 76 धावांची भागीदारी रचणाऱ्या निकोलस पूरनला मेरेडिथने बाद केले.

राहुल त्रिपाठीने दमदार फलंदाजी करत नाबाद अर्धशतकी खेळी केली.

प्रियाम गर्ग आणि राहुल त्रिपाठीने दुसऱ्या विकेटसाठी 78 धावांची भागीदारी रचली. रमनदीप सिंगने 26 चेंडूत 42 धावा करणाऱ्या प्रियाम गर्गला बाद करत ही जोडी फोडली.

डॅनियल सॅम्सने हैदराबादला पहिला धक्का दिला. त्याने अभिषेक शर्माला 9 धावांवर बाद केले.

मुंबई इंडियन्सने नाणेफेक जिंकून प्रथम गोलंदाजी करण्याचा निर्णय घेतला आहे. मुंबईने आपल्या संघात दोन बदल केले आहेत. मयांक मार्कंडेय आणि संजय यादव यांना संधी दिली आहे. तर हैदराबादने देखील प्रियाम गर्ग आणि फजल फारूकी यांना संधी दिली आहे.