IPL 2023 Mumbai Indians : विराट कोहली व कर्णधार फाफ ड्युप्लेसिस या दोघांच्या झंझावाती फलंदाजीसमोर मुंबई इंडियन्सचा पालापाचोळा झाला. रॉयल चॅलेंजर्स बंगळूर संघाने रविवारी झालेल्या आयपीएलच्या लढतीत मुंबई इंडियन्सवर 8 विकेट व 22 चेंडू राखून विजय मिळवला. एकीकडे रॉयल चॅलेंजर्स बंगळूरची सुरुवात अफलातून झाली, तर दुसरीकडे मुंबई इंडियन्सला सलामीच्या लढतीत निराशाजनक कामगिरीला सामोरे जावे लागले.
या सामन्यात एका फ्लॉप खेळाडूने एकट्याने मुंबई इंडियन्स संघाची लूट केली. आयपीएल 2023 च्या लिलावात मुंबई इंडियन्स संघाने या खेळाडूला 17.50 कोटी रुपयांना खरेदी केले होते, परंतु हा खेळाडू त्याच्या खराब कामगिरीमुळे रोहित शर्माच्या संघासाठी सर्वात मोठा खलनायक ठरला.
मुंबई इंडियन्सने 17.50 कोटी रुपये खर्च करून ऑस्ट्रेलियाचा अष्टपैलू कॅमेरून ग्रीनचा IPL 2023 च्या मोसमासाठी आत्मविश्वासाने आपल्या संघात समावेश केला होता, परंतु हा पैसा आता पाण्यासारखा वाया जात असल्याचे दिसत आहे. आयपीएलसारख्या खडतर टी-20 क्रिकेट लीगमध्ये 17.50 कोटी रुपयांची कॅमेरून ग्रीनचा पर्दाफाश झाला आहे.
रविवारी रॉयल चॅलेंजर्स बंगळुरूविरुद्ध खेळल्या गेलेल्या आयपीएल सामन्यात मुंबई इंडियन्सचा अष्टपैलू खेळाडू कॅमेरून ग्रीनला तिसऱ्या क्रमांकावर फलंदाजीसाठी पाठवण्यात आले होते, मात्र तो 4 चेंडूत केवळ 5 धावा करून पॅव्हेलियनमध्ये परतला.
मुंबई इंडियन्सचा अष्टपैलू कॅमेरून ग्रीनला रॉयल चॅलेंजर्स बेंगळुरूचा वेगवान गोलंदाज रीस टोपलीने बाद केले. कॅमेरून ग्रीन 5 धावा करून बाद झाला. यानंतर गोलंदाजीतही कॅमेरून ग्रीनची खराब कामगिरी दिसून आली आहे.
कॅमेरून ग्रीनने रॉयल चॅलेंजर्स बंगलोरविरुद्ध गोलंदाजी करताना 2 षटकांत 30 धावा दिल्या. कॅमेरून ग्रीनला केवळ एक विकेट मिळाली असली तरी, त्याने 15.00 च्या इकॉनॉमी रेटने धावा लुटल्या आणि मुंबई इंडियन्स संघाला बुडवले.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
