IPL 2023 : आयपीएल 2023 मध्ये खराब कामगिरी करून टीम इंडियाच्या एका क्रिकेटरने स्वत:लाच अडचणीत टाकलं आहे. भारतीय संघातून वगळल्यानंतर आता या खेळाडूची आयपीएल कारकीर्द जवळपास संपली आहे. हा खेळाडू IPL 2023 मध्ये सुपर फ्लॉप ठरला आहे. दिल्ली कॅपिटल्सने या खेळाडूला संधी देऊन मोठी चूक केली.
टीम इंडियाचा फ्लॉप क्रिकेटर मनीष पांडेला आयपीएल 2023 मध्ये दिल्ली कॅपिटल्सने खेळण्याची संधी दिली होती, परंतु या खेळाडूने स्वत:लाच अडचणीत टाकलं आहे. शनिवारी राजस्थान रॉयल्सविरुद्ध खेळल्या गेलेल्या आयपीएल सामन्यात मनीष पांडेला दिल्ली कॅपिटल्स संघाने तिसऱ्या क्रमांकावर फलंदाजीसाठी मैदानात उतरवले होते, पण तो शून्य धावांवर बाद झाला.
मनीष पांडे पहिल्याच चेंडूवर खाते न उघडता परतला. मनीष पांडे अत्यंत खराब फॉर्ममध्ये धावत आहे. मनीष पांडेला अनेक संधी देण्यात आल्या, मात्र तो प्रत्येक वेळी फ्लॉप ठरला. निवडकर्त्यांनी मनीष पांडेची भारतीय क्रिकेट संघातून आधीच हकालपट्टी केली आहे आणि आता तो आयपीएलमधून कायमचा बाहेर जाऊ शकतो.
आयपीएल 2023 साठी मनीष पांडेला 2.40 कोटी रुपयांना विकत घेऊन दिल्ली कॅपिटल्सने मोठी चूक केली. मनीष पांडेचा संघात समावेश करणे दिल्ली कॅपिटल्ससाठी मोठे धोक्याचे ठरले आहे. दिल्ली कॅपिटल्स संघाला मनीष पांडेच्या किंमतीवर आणखी चांगले खेळाडू विकत घेता आले असते, पण ही मोठी चूक ठरली.
यापूर्वी मनीष पांडे 2022 मध्ये लखनऊ सुपरजायंट्स आणि 2021 मध्ये सनरायझर्स हैदराबादकडून आयपीएल खेळला आहे, परंतु खराब कामगिरीमुळे या संघांनी मनीष पांडेला बाहेरचा रस्ता दाखवला.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
