SRH vs RR IPL 2023 Live Cricket Score : सनराईजर्स हैदराबादचा यंदाच्या हंगातील आपल्या घरच्या प्रेक्षकांसमोरचा पहिला सामना राजस्थान रॉयल्स सोबत होता. आपल्या संघाला पाठिंबा देण्यासाठी मैदानावर हैदराबादच्या चाहत्यांनी तुफान गर्दी देखील केली होती. मात्र या सर्वांची निराशा झाली. राजस्थानने हैदराबादचा 72 धावांनी दारूण पराभव केला.
राजस्थानने विजयासाठी ठेवलेल्या 204 धावांचा पाठलाग करताना हैदराबादला 8 बाद 131 धावाच करता आल्या. राजस्थानकडून 4 षटकात 17 धावा देत 4 विकेट्स घेतल्या.
पॉवर प्लेमध्ये मंदावलेल्या हैदराबादला नंतरही उभारी घेता आली नाही. बोल्टनंतर युझवेंद्र चहल, आर अश्विन आणि जेसन होल्डर यांनी हैदराबादच्या फलंदाजीला एका मागून एक धक्के देण्यास सुरूवात केली. यामुळे हैदराबादची अवस्था 6 बाद 52 धावा अशी झाली.
राजस्थान रॉयल्सचे विजयासाठीचे 204 धावांचे आव्हान घेऊन मैदानात उतरलेल्या हैदराबादसाठी पॉवर प्लेचे पहिलेच षटक हे एका वाईट स्वप्नाप्रमाणे ठरले. बोल्टने तिसऱ्या चेंडूवर अभिषेक शर्माला बाद केले. त्यानंतर षटकाच्या पाचव्या चेंडूवर राहुल त्रिपाठी शुन्यावर बाद झाला. यामुळे पहिल्याच षटकात हैदराबादची अवस्था 2 बाद 0 धावा अशी झाली. यातून हैदराबाद सावरलीच नाही. त्यांना पॉवर प्लेमध्ये 2 बाद 30 धावाच करता आल्या.
संजू बाद झाल्यानंतर शिमरॉन हेटमायरने 16 चेंडूत 22 धावांची खेळी करत राजस्थानला 20 षटकात 5 बाद 203 धावांपर्यंत पोहचवले.
राजस्थान रॉयल्सचा कर्णधार संजू सॅमसनची 32 चेंडूत केलेली 55 धावांची खेळी अखेर 19 व्या षटकात नटराजनने संपवली.
जोस बटलर बाद झाल्यानंतर सलामीवीर यशस्वी जैसवाल आणि संजू सॅमसन यांनी राजस्थानचा धावांचा वेग कायम ठेवला. या दोघांनी राजस्थानला 12 षटकात 139 धावांपर्यंत पोहचवले. मात्र फारूकीने यशस्वी जैसवालला देखील 54 धावांवर बाद करत राजस्थानचा दुसरा सेट झालेला फलंदाज बाद केला.
जोस बटलरने आयपीएल 2023 मधील आपल्या पहिल्याच सामन्यात दमदार सुरूवात केली. त्याने अवघ्या 20 चेंडूत अर्धशतक झळकावले. मात्र यानंतर फजलहक फारूकीने त्याचा 54 धावांवर त्रिफळा उडवत राजस्थानला पहिला धक्का दिला. परंतु तोपर्यंत राजस्थानने 5.5 षटकात 85 धावांपर्यंत मजल मारली होती.
राजस्थानचे सलामीवीर जोस बटलर आणि यशस्वी जैसवाल यांनी पॉवर प्लेची दमदार सुरूवात केली. या दोघांनी पहिल्या तीन षटकातच राजस्थानला 37 धावांवर पोहचवले.
राजस्थान रॉयल्स : यशस्वी जैस्वाल, जोस बटलर, संजू सॅमसन, देवदत्त पडिक्कल, रियान पराग, शिमरॉन हेटमायर, रविचंद्रन अश्विन, जेसन होल्डर, ट्रेंट बोल्ट, केएम आसिफ, युझवेंद्र चहल.
सनराइजर्स हैदराबाद : मयंक अग्रवाल, अभिषेक शर्मा, राहुल त्रिपाठी, हैरी ब्रूक, वाशिंगटन सुंदर, ग्लेन फिलिप्स, उमरान मलिक, आदिल राशिद, भुवनेश्वर कुमार, टी नटराजन, फजलहक फारूकी.
सनरायझर्स हैदराबादने नाणेफेक जिंकून प्रथम गोलंदाजी करण्याचा निर्णय घेतला आहे. या सामन्यात भुवनेश्वर कुमार हैदराबादचे कर्णधार आहे. या संघाचा नियमित कर्णधार एडन मार्कराम सध्या अनुपलब्ध आहे.
हैदराबाद संघात फजलहक फारुकी, हारू ब्रूक, आदिल रशीद आणि ग्लेन फिलिप्स हे विदेशी खेळाडू आहेत.
त्याच वेळी, जोस बटलर, शिमरॉन हेटमायर, जेसन होल्डर आणि ट्रेंट बोल्ट हे राजस्थानच्या संघात परदेशी खेळाडू आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.