IPL 2023 Virat Kohli : आयपीएलच्या या हंगामातील रॉयल चॅलेंजर्स बंगळुरूचा प्रवास संपल्यानंतर विराट कोहलीने सोशल मीडियावर एक भावनिक पोस्ट शेअर केली आहे. गुजरात टायटन्सविरुद्धचा शेवटचा साखळी सामना आरसीबीने जिंकला असता तर मुंबई इंडियन्सऐवजी प्लेऑफमध्ये पोहोचले असते. विराट कोहलीने शतक झळकावले होते, पण तो संघाला विजय मिळवून देऊ शकला नाही. गुजरात टायटन्सकडून 6 गडी राखून पराभव झाला.
या मोसमातील संघाच्या कामगिरीने पुन्हा एकदा आरसीबी संघाच्या समर्थकांना निराश व्हावे लागले. प्ले ऑफमधून बाहेर पडल्यानंतर विराट कोहलीचे पहिले ट्विट समोर आले आहे. आरसीबी संघाच्या समर्थकांचे आभार मानत कोहलीने आपल्या पोस्टमध्ये पुढील हंगामात जोरदार पुनरागमन करण्याबाबत लिहिले आहे.
विराट कोहलीने 23 मे रोजी आपल्या ट्विटमध्ये लिहिले की, या हंगामात असे काही क्षण होते जे कधीच विसरता येणार नाहीत, परंतु आम्ही आमच्या ध्येयापूर्वी थोडेसे चुकलो. नक्कीच निराश झालो परंतु आपली मान मान उंचावली पाहिजे. संघाच्या निष्ठावंत समर्थकांचा मी ऋणी आहे. मी माझा संघ, प्रशिक्षक, व्यवस्थापन आणि सहकारी खेळाडूंचे आभार मानू इच्छितो. पुढच्या हंगामात आणखी मजबूत परत येण्याचे आमचे ध्येय आहे.
आयपीएलचा हा हंगाम फलंदाज म्हणून विराट कोहलीसाठी चांगलाच राहिला. गुजरातविरुद्धच्या सामन्यात त्याच्या बॅटतुन शतकीय खेळीही पाहायला मिळाली. मात्र शुभमन गिलच्या शतकामुळे या सामन्यात आरसीबीला पराभवाचा सामना करावा लागला. आरसीबीच्या पराभवासह मुंबई इंडियन्स प्लेऑफसाठी पात्र ठरण्यात यशस्वी ठरली.
कोहलीने या हंगामात 14 डावात एकूण 639 धावा केल्या. जिथे त्याच्या बॅटमधून सलग 2 शतकी खेळी पाहायला मिळाली. यासोबतच त्याने 6 अर्धशतकेही झळकावली. आयपीएलमध्ये सर्वाधिक शतके झळकावण्याच्या बाबतीत विराट कोहली आता पहिल्या क्रमांकावर आला असून त्याच्या नावावर आता एकूण 7 शतकांची नोंद झाली आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
