IPL 2023 : "कितीही प्लॅन बनवले तरी धोनी मैदानात आला की सगळं होतं फेल पण..."

IPL 2023 : आयपीएलचा 17वा सामना 12 एप्रिलला राजस्थान रॉयल्स आणि चेन्नई सुपर किंग्ज यांच्यात खेळला गेला. चेन्नईच्या चेपॉक स्टेडियमवर झालेल्या या सामन्यात उत्कंठा शिगेला पोहोचली होती. शेवटच्या चेंडूपर्यंत सामना कोण जिंकणार हे ठरले नव्हते. मात्र नंतर राजस्थान रॉयल्स संघ विजयी ठरला.

या सामन्यात संजू सॅमसनच्या संघाने चेन्नईवर 3 धावांनी रोमहर्षक विजय नोंदवला. प्रथम फलंदाजी करताना राजस्थान रॉयल्सने 8 विकेट गमावत 175 धावा केल्या. विजयासाठी 176 धावांचे लक्ष्य पार करण्यासाठी एमएस धोनीच्या संघाला निर्धारित 20 षटकांत 6 गडी गमावून 172 धावा करता आल्या. या सामन्यातील विजयानंतर राजस्थान रॉयल्सचा कर्णधार संजू सॅमसन खूप आनंदी दिसत होता.

राजस्थान रॉयल्सचा सीएसकेविरुद्धचा विजय खूप महत्त्वाचा होता. राजस्थान संघाने 15 वर्षांनंतर घरच्या मैदानावर चेन्नईविरुद्ध विजय मिळवला. चेन्नई सुपर किंग्जविरुद्धच्या संस्मरणीय विजयानंतर कर्णधार संजू सॅमसन म्हणाला, 'अशा दव असलेल्या मैदानावर विजयाचे श्रेय संपूर्ण संघाला जाते. या विजयात सर्वांचा सहभाग होता. या कुणाला तरी हा सामना जिंकायचा होता. आम्हाला येथून विजयासह जायचे होते. चेंडू थोडा उशीरा येत होता.

राजस्थान रॉयल्सचा कर्णधार संजू सॅमसन एमएस धोनीवर बोलताना म्हणाला की, त्याच्यासमोर सर्व योजना अपयशी ठरतात. संजूच्या मते, जोपर्यंत धोनी मैदानावर आहे तोपर्यंत तुम्ही विजयाचा विचार करू शकत नाही. मी डेटा टीमसोबत बसुन धोनीसमोर काहीही चालत नसले तरी खूप योजना बनवतो. त्यावेळी मनात अनेक विचार येत असतात.

चेन्नई सुपर किंग्जविरुद्धच्या रोमहर्षक विजयानंतर राजस्थान रॉयल्स संघाने पुन्हा एकदा गुणतालिकेत अव्वल स्थान पटकावले आहे. संजू सॅमसनच्या संघाने आयपीएल 2023 मध्ये आतापर्यंत चमकदार कामगिरी केली आहे. राजस्थानने इंडियन प्रीमियर लीगच्या 16व्या मोसमात चार सामने खेळले आहेत, 3 जिंकले आहेत आणि एक पराभूत झाला आहे. 6 गुण आणि उत्तम निव्वळ धावगतीमुळे राजस्थान संघ गुणतालिकेत पहिले स्थान राखण्यात यशस्वी ठरला आहे.