आयपीएल २०२४ चा लिलाव पुढील महिन्यात १९ डिसेंबर रोजी दुबईत होणार आहे. त्याआधी या लीगमध्ये खेळणाऱ्या संघांनी रिटेन आणि रिलीज झालेल्या खेळाडूंची यादी शनिवारी बीसीसीआयकडे सादर केली. पुढील हंगामातील लिलावापूर्वी मुंबई इंडियन्सने देखील बीसीसीआयकडे संघात रिटेन आणि रिलीज केलेल्या खेळाडूंची यादी सादर केली. हार्दिक पांड्याबद्दल असे म्हटले जात होते की तो मुंबई संघात पुनरागमन करेल, परंतु तसे झाले नाही आणि तो गुजरात टायटन्ससोबत राहणार आहे.
मुंबईने जोफ्रा आर्चरला सोडलं
मुंबई संघाने सातत्याने दुखापतीशी झुंज देत असलेला वेगवान गोलंदाज जोफ्रा आर्चरला रिलीज केले आहे. जोफ्रा आर्चरने गेल्या मोसमात मुंबईकडून ५ सामने खेळले होते आणि फक्त 2 विकेट्स घेतल्या होत्या. त्यानंतर दुखापतीमुळे तो आयपीएलमधून बाहेर पडला होता. जोफ्रा आर्चरव्यतिरिक्त मुंबईने ट्रिस्टन स्टब्स, मार्को यानसेन, झाय रिचर्डसन, रिले मेरेडिथ आणि ख्रिस जॉर्डन सह ११ खेळाडूंना रिलीज केले आहे. रिलीज केलेल्या खेळाडूंमध्ये ६ परदेशी आणि ५ भारतीय खेळाडूंचा समावेश आहे.
रिलीज केलेले खेळाडू
मुंबई इंडियन्सने ११ खेळाडूंना रिलीज केले आहे. यामध्ये मोहम्मद अर्शद खान, रमणदीप सिंग, हृतिक शौकीन, राघव गोयल, जोफ्रा आर्चर, ट्रिस्टन स्टब्स, डुआन यानसेन, जे रिचर्डसन, रिले मेरेडिथ, ख्रिस जॉर्डन आणि संदीप वॉरियर यांच्या नावांचा समावेश आहे.
मुंबई इंडियन्सचा सध्याचा संघ : रोहित शर्मा (कर्णधार), इशान किशन, सूर्यकुमार यादव, देवाल्ड ब्रेविस, विष्णू विनोद, नेहल वढेरा, शम्स मुलानी, अर्जुन तेंडुलकर, तिलक वर्मा, टिम डेव्हिड, शम्स मुलानी, कॅमेरॉन ग्रीन, जसप्रीत बुमराह, बेसनडॉर्फ, जेसन. , पियुष चावला, कुमार कार्तिकेय, आकाश मधवाल.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
