IPL 2025 Retention list: गुरुवारी ५ वाजेपर्यंत इंडियन प्रीमियर लीगमधील सर्व सक्रिय १० संघांना आगामी १८ व्या हंगामासाठी कोणत्या खेळाडूंना रिटेन करणार हे जाहीर करायचे होते. सर्व संघांना जास्तीत जास्त ६ खेळाडूंना (५ कॅप आणि १ अनकॅप) रिटेन करता येणार होते.
६ पैकी ६ खेळाडू रिटेन केले, तर लिलावात राईट टू मॅच कार्ड संघांना वापरता येणार नाही, ६ पैकी जितके कमी खेळाडू ते रिटेन करतील, तितके राईट टू मॅच कार्ड फ्रँचायझींना लिलावात वापरता येणार आहेत.
दरम्यान, आता कोलकाता नाईट रायडर्स आणि राजस्थान रॉयल्स या दोनच संघांनी प्रत्येकी ६ खेळाडूंना संघात कायम केले आहे. तसेच सर्वात कमी दोनच खेळाडूंना पंजाब किंग्स संघाने रिटेन केले आहे.
