IPL 2024 Auction Jofra Archer : आयपीएल 2024 च्या लिलावासाठी एकूण 1166 खेळाडूंनी नोंदणी केली असून मुंबई इंडियन्सने रिलीज केलेल्या जोफ्रा आर्चरने यंदाच्या लिलावासाठी नोंदणीच केलेली नाही. तो बऱ्याच काळापासून दुखापतीमुळे क्रिकेटच्या मैदानापासून दूर आहे. आता तो आयपीएलच्या लिलावाच्या यादीतूनही गायब झाला आहे. क्रिकबझने दिलेल्या माहितीनुसार त्याचे नाव यादीत नाही.
नोंदणी केलेल्या खेळाडूंच्या यादीत वनडे वर्ल्डकप विजेत्या ऑस्ट्रेलिया संघातील स्टार खेळाडूंनी नोंदणी केली असून त्यांना यंदा चांगला भाव मिळण्याची शक्यता आहे.
आयपीएल 2024 च्या लिलावासाठी एकूण 1166 खेळाडूंनी नोंदणी केली आहे. यात ऑस्ट्रेलियाच्या वर्ल्डकप विजेत्या संघातील पॅट कमिन्स, मिचेल स्टार्क, जॉश हेजलवूड या स्टार गोलंदाजांचा समावेश आहे. तर न्यूझीलंडचा आक्रमक फलंदाज डॅरेल मिचेल आणि अष्टपैलू खेळाडू रचिन रविंद्रचा देखील नोंदणी केलेल्या खेळाडूंच्या यादीत समावेश आहे.
मिचेल स्टार्क हा 2015 पासून आयपीएल खेळलेला नाही. तो यंदाच्या आयपीएलमध्ये खेळताना दिसेल. मात्र जॉश हेजलवूड खेळेल की नाही याबाबत शंका आहे. आरसीबीने त्याला रिलीज केलं आहे.
रिलीज झालेले भारतीय खेळाडू हर्षल पटेल, केदार जाधव, उमेश यादव आणि शार्दुल ठाकूर यांनी आयपीएल 2024 च्या लिलावासाठी आपली बेस प्राईस 2 कोटी रूपये ठेवली आहे.
1166 खेळाडूंच्या यादीत 830 खेळाडू हे भारतीय आहे तर 336 खेळाडू हे विदेशी आहेत. या यादीत एकूण 212 कॅप्ट तर 909 अनकॅप्ट खेळाडू आहेत. तर 45 खेळाडू हे असोसिएट देशातील आहेत.
भारताच्या 830 खेळाडूंपैकी 18 खेळाडू हे कॅप्ट आहेत. यात वरूण एरॉन, केएस भरत, केदार जाधव, सिद्धार्थ कौल, धवल कुलकर्णी, शिवम मावी, शाहबाज नदीम, करूण नायर, मनिष पांडे, हर्षल पटेल, चेतन साकरिया, मनदीप सिंह, बरिंदर सरन, शार्दुल ठाकूर, जयदेव उनाडकट, हनुमा विहारी, संदीप वॉरियर आणि उमेश यादव यांचा समावेश आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
