![KL Rahul IPL Record](http://media.assettype.com/esakal%2F2023-04%2Fb7d98734-4186-4ce8-b6e9-571096226b54%2F111__4_.jpg?w=480&auto=format%2Ccompress&fit=max)
KL Rahul IPL Record : आयपीएलच्या 30 व्या सामन्यात आज आयपीएलमधील दोन नवे संघ गुजरात टायटन्स आणि लखनौ सुपर जायंट्स यांच्यात लढत होत आहे. गुजरातने प्रथम फलंदाजी करताना 20 षटकात 135 धावा केल्या. कर्णधार हार्दिक पांड्याने संथ सुरूवातीनंतर 50 चेंडूत 66 धावांची खेळी करत शंभरच्या आत अडकलेली गुजरातची गाडी 135 धावांपर्यंत पोहचवली. दरम्यान, गुजरातने विजयासाठी ठेवलेले 136 धावांचे आव्हान पार करताना लखनौची सलामी जोडी केएल राहुल कायल मेयर्स यांनी आश्वासक सुरूवात केली. केएल राहुलने दरम्यान एक मोठा विक्रमही केला.
यंदाच्या आयपीएल हंगामात आपल्या स्लो स्ट्राईक रेटमुळे टीकेचा धनी झालेल्या केएल राहुलने गुजरातविरूद्धच्या आजच्या सामन्यात बऱ्यापैकी आक्रमक सुरूवात केली. यामुळे लखनौने 6 षटकात बिनबाद 53 धावांपर्यंत मजल मारली. यात केएल राहुलच्या 30 धावांचा समावेश होता. राहुलने या 30 धावा 19 चेंडूत केल्या आहेत. याचदरम्यान त्याने एक मोठा विक्रम देखील केला.
केएल राहुल हा टी 20 क्रिकेटमध्ये सर्वात वेगाने 7000 धावा पूर्ण करणार भारतीय फलंदाज ठरला आहे.
तत्पूर्वी, लखनौ सुपर जायंट्स विरूद्धच्या सामन्यात गुजरातने प्रथम फलंदाजी करताना 20 षटकात 6 बाद 135 धावांपर्यंत मजल मारली. कर्णधार हार्दिक पांड्याने 50 चेंडूत 66 धावांची दमदार खेळी केली. तर सलामीवीर वृद्धीमान साहाने 47 धावा करत मोलाचे योगदान दिले. मात्र साहा आणि पांड्याने चांगली सुरूवात करून देखील मधल्या षटकांमध्ये गुजरातची गाडी अडली होती. त्यांना 16 षटके झाली तरी शतक पार करता आले नाही. अखेर हार्दिक पांड्याने आपला गिअर बदलला आणि गुजरातचा जीव भांड्यात पडला.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.