LSG vs SRH IPL 2023 Krunal Pandya : लखनौ सुपर जायंट्सने आपल्या घरच्या मैदानावर सनराईजर्स हैदराबादचा 5 विकेट्सनी पराभव करत आपला सलग दुसरा विजय मिळवला. तर सनराईजर्स हैदराबादचा सलग दुसरा पराभव झाल्याने त्यांना गुणतालिकेत अजूनही तळातच रहावे लागणार आहे. लखनौने
लखनौने प्रथम फलंदाजी करणाऱ्या हैदराबादला 121 धावात रोखले होते. त्यानंतर विजयासाठी 122 धावांचे आव्हान लखनौ सुपर जायंट्सने 15 षटकात 5 फलंदाजांच्या मोबदल्यात पार केले. यात केएल राहुलने 35 तर कृणाल पांड्याने 34 धावांचे योगदान दिले.
लखनौ सुपर जायंट्सचा फिरकीपटू कृणाल पांड्याने गोलंदाजीत 4 षटकात 18 धावा देत 3 बळी टिपले. त्याला अमित मिश्राने 2 तर रवी बिश्नोई आणि यश ठाकूरने प्रत्येकी 1 विकेट घेत चांगली साथ दिली.
सनराईजर्स हैदराबादने ठेवलेल्या 122 धावांचा पाठलाग करताना लखनौ सुपर जायंट्स 45 धावात दोन फलंदाज गमावले. सलामीवीर कायल मेयर्स 13 धावांवर बाद झाला तर दिपक हुड्डला 7 धावांचीच भर घलता आली.
यानंतर कर्णधार केएल राहुल आणि बढती मिळालेल्या कृणाल पांड्याने लखनौ सुपर जायंट्सला शंभरी गाठून दिली. या दोघांनी तिसऱ्या विकेटसाठी 55 धावांची भागीदारी रचली. विजय टप्प्यात आला असताना कृणाल पांड्या 23 चेंडूत 34 धावा करून बाद झाला. त्याला उमरान मलिकने बाद केले.
यानंतर केएल राहुल आणि मार्कस स्टॉयनिस यांनी डाव पुढे नेला. विजयासाठी अवघ्या 8 धावा असताना कर्णधार केएल राहुल 31 चेंडूत 35 धावा करून बाद झाला. यानंतर विजयाची औपचारिकता निकोलस पूरनने षटकार मारत केली.
सनराईजर्स हैदराबादने लखनौ सुपर जायंट्सविरूद्धच्या सामन्यात नाणेफेक जिंकून प्रथम फलंदाजी कर्णयाचा निर्णय घेतला. हैदराबादचा सलामीवीर मयांक अग्रवाल 8 धावांवर बाद झाल्यानंतर सलामीवीर अनमोलप्रीत सिंह आणि राहुल त्रिपाठीने हैदराबादला अर्धशतकी मजल मारून दिली.
मात्र पॉवर प्लेनंतर डावखुरा फिरकीपटू गोलंदाज कृणाल पांड्याने हैदराबादला पाठोपाठ धक्के दिले. त्याने अनमोलप्रीत आणि एडिन मारक्ररमला बाद करत हैदराबादची अवस्था बिकट केली. यानंतर लखनौच्या फिरकीने हैदराबादच्या फलंदाजांना जखडून ठेवले. त्रिपाठी ( आणि वॉशिंग्टन सुंदर यांनी डाव सावरण्याचा प्रयत्न केला.
मात्र रवी बिश्नोई अमित मिश्रा या फिरकीपटूंनी हैदराबादच्या फलंदाजांना जखडून ठवले. अमितने 2 तर रवी बिश्नोईने एक विकेट घेत हैदराबादला 121 धावात रोखले. अब्दुल समादने दोन षटकार 1 चौकार मारत 10 चेंडूत 21 धावांची खेळी केली यामुळे हैदराबाद शंभरी पार करू शकला.
हेही वाचा : सामान्यांचा पैसा सुरक्षित ठेवण्यासाठीच Virtual Currency करकक्षेत
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
