![Matheesha Pathirana](http://media.assettype.com/esakal%2F2024-05%2F40e69229-d9ba-4ae7-8766-4b7274e96555%2Fmatheesha_pathirana.jpg?w=480&auto=format%2Ccompress&fit=max)
LPL Auction Matheesha Pathirana Create History : सध्या चेन्नई सुपर किंग्जचा बेबी मलिंगा मथिशा पथिरानाला चांगले दिवस आले आहेत. यंदाच्या हंगामात चेन्नई सुपर किंग्जकडून दमदार कामगिरी करत त्याने सर्वांचे लक्ष वेधले. त्याची वर्णी श्रीलंकेच्या टी 20 वर्ल्डकप संघात देखील लागली आहे.
आता त्याने लंका प्रीमियर लीगच्या लिलावात इतिहासच रचला. तो लंका प्रीमियर लीगच्या चार वर्षाच्या इतिहासातील सर्वात मोठी बोली लागलेला खेळाडू ठरला आहे. विशेष म्हणजे कोलंबो स्ट्राईकर्सने त्याला सीएसकेपेक्षा 80 लाख रूपये जास्त दिले आहेत.
चेन्नई सुपर किंग्जसाठी आयपीएल 2024 मध्ये पथिरानाने चांगली कामगिरी केली आहे. त्याने 6 सामन्यात फक्त 7.68 च्या इकॉनॉमीने धावा देत 13 विकेट्स घेतल्या आहेत. इतकी चांगली कामगिरी करणाऱ्या पथिरानाला सीएसकेने मात्र 20 लाख रूपयातच आपल्या गळाला लावलं होतं.
मात्र लंका प्रीमियर लीगमध्ये त्याच्यावर छप्पर फाड के बोली लागली. त्याला कोलंबो स्ट्रायकर्सने तब्बल 1 कोटी रूपयात खरेदी केलं. कोलंबो स्ट्रायकर्सने पथिरानासाठी चेन्नईपेक्षा 80 लाख रूपये जास्त मोजले. पथिरानासाठी बोली 41.65 लाखापासून (50 हजार US डॉलर्स) सुरू झाली.
त्याला संघात घेण्यासाठी गाले मार्व्हल्स आणि कोलंबो स्ट्रायकर्समध्ये स्पर्धा लागली होती. शेवटी तो स्पर्धेच्या इतिहासातील सर्वात मोठी बोली 1 लाख 20 हजार US डॉलर्समध्ये कोलंबो स्ट्रायकर्सचा झाला.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.