IPL 2021 Final CSK vs KKR: महेंद्रसिंग धोनीच्या CSK ने फायनलमध्येही दमदार कामगिरी करत प्रथम फलंदाजी करताना ३ बाद १९२ धावा केल्या आणि KKR ला १९३ धावांचे आव्हान दिले. फाफ डू प्लेसिसने ५९ चेंडूत ७ चौकार आणि ३ षटकारांच्या मदतीने ८६ धावांची खेळी केली. त्याला ऋतुराज गायकवाड (३२), रॉबिन उथप्पा (३१) आणि मोईन अली (३७*) या तिघांची मोलाची साथ मिळाली. त्यामुळेच संघाला १९० पार मजल मारता आली. या आव्हानाचा पाठलाग करताना KKRच्या व्यंकटेश अय्यरला दुसऱ्याच षटकात जीवदान मिळाले.
कर्णधार म्हणून आपला ३००वा टी२० सामना खेळणाऱ्या महेंद्रसिंग धोनीच्या हातून एक चूक घडली. KKR कडून तुफान फॉर्मात असलेल्या व्यंकटेश अय्यरचा झेल धोनीकडून सुटला. जोश हेजलवूडच्या गोलंदाजीवर फटका मारताना अय्यरच्या बॅटची कड चेंडूला लागली. चेंडू धोनी कडे जात असल्याचे पाहताच धोनीने हात वरती केले पण त्याला झेल पकडता आला नाही.
दरम्यान, या जीवदानानंतर कोलकाताच्या दोन्ही सलामीवीरांनी दमदार फलंदाजी केली. पॉवर प्ले च्या ६ षटकात एकही बळी न गमावता KKR ने ५१ धावांची भागीदारी केली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
