MS Dhoni CSK Play Offs : चेन्नई सुपर किंग्जने दिल्ली कॅपिटल्सचा 77 धावांनी पराभव केला अन् आयपीएलच्या 16 व्या हंगामात प्ले ऑफमध्ये थाटात प्रवेश केला. चेन्नई सुपर किंग्जने रेकॉर्ड ब्रेक 12 वेळा प्ले ऑफ गाठण्याची किमया केली आहे. याबाबत बोलताना चेन्नई सुपर किंग्जच्या थलायवाने सीएसकेच्या यशाचे गमक सांगितले.
सामन्यानंतर धोनीला 14 हंगामात 12 वेळा प्ले ऑफ गाठण्याची किमया साधण्याची रेसिपी काय असे विचारले. त्यावेळी त्याने रेसिपी अशी काही नाही तर यामागे संघ प्रथम हे तत्वज्ञान आहे. धोनीची ही शक्यतो शेवटची प्ले ऑफ आहे. धोनी बोलताना म्हणाला की, 'चेन्नई रेकॉर्ड ब्रेक प्ले ऑफ खेळण्याची अशी काही रेसिपी नाही. तुम्ही चांगले खेळाडू निवडण्याचा प्रयत्न करता. त्यांना योग्य असा स्लॉट देण्याचा प्रयत्न करता. तुम्ही त्यांचा अशा पद्धतीने वापर करता की ते जास्तीजास्त यशस्वी होतील. ते ज्या विभागात कमकूवत आहेत त्या विभागात त्यांना तायर केले जाते.'
धोनी पुढे म्हणाला की, 'जर तुम्ही जे संघासाठी योग्य आहे ते करत असलात तर गोष्टी तुमच्या मनाप्रमाणे होतात. आमचे संघ व्यवस्थापन आणि सपोर्ट स्टाफ भारी आहे. ते काम आम्हाला सांगत असतात की काही काळजी करू नका जे तुम्ही करत आला आहे ते करत रहा. मात्र खेळाडू देखील तितकेच महत्वाचे आहेत.
दर्जेदार खेळाडूंच्या निवडबद्दल विचारल्यावर धोनी म्हणाला की, 'तुम्हाला अशा खेळाडूंची गरज असते जे आधी संघाचं हित पाहतात. अशा प्रकारचे खेळाडू आम्ही पाहत असतो. लांब राहून असे खेळाडू हेरणे अवघड असते. आम्ही खेळाडूंना वातावरणाशी जुळवून घेण्यासाठी प्रयत्नशील असतो. जर खेळाडू एक पाऊल पुढे येत असेल तर आम्ही 5 पावले पुढे येतो.'
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
