MS Dhoni : IPL जिंकल्यावर धोनी थेट हॉस्पिटलमध्ये होणार अ‍ॅडमिट, काय आहे कारण?

IPL 2023 MS Dhoni : आयपीएल विजेता चेन्नई सुपर किंग्जचा कर्णधार एमएस धोनी या हंगामात दुखापतीमुळे त्रस्त दिसत होता. त्याच्या नेतृत्वाखालील संघाने पाचवे विजेतेपद पटकावून इतिहास रचला. आता येत असलेल्या बातम्यांनुसार धोनी गुडघ्याच्या दुखापतीमुळे एमएस धोनीला रुग्णालयात दाखल केले जाऊ शकते. त्याच्यावर काही चाचण्या केल्या जाणार आहेत, त्यासाठी त्याला कोकिलाबेन रुग्णालयात दाखल करणार आहे.

एमएस धोनीच्या नेतृत्वाखाली सीएसकेने सोमवारी खेळल्या गेलेल्या आयपीएल फायनलमध्ये गुजरात टायटन्सचा 5 गडी राखून पराभव केला. धोनीच्या नेतृत्वाखाली सीएसकेचे हे पाचवे आयपीएल विजेतेपद आहे. यासह CSK ने IPL मध्ये सर्वाधिक ट्रॉफी जिंकण्याच्या बाबतीत मुंबई इंडियन्सची बरोबरी केली आहे.

फायनल जिंकल्यानंतर धोनी सेलिब्रेशन करत असतानाही धोनीच्या गुडघ्याला पट्टा होता. धोनी म्हणाला की, तो पुढील वर्षीही आयपीएल खेळणार आहे. त्यासाठी त्याला खूप मेहनत करावी लागणार आहे. धोनीला आता त्याच्या फिटनेसवर खूप भर द्यावा लागणार आहे. धोनीला या आठवड्यात रुग्णालयात दाखल केले जाऊ शकते.

Ravsportz ने आपल्या अहवालात सूत्रांच्या हवाल्याने सांगितले की एमएस धोनीला या आठवड्याच्या अखेरीस कोकिलाबेन धीरूभाई अंबानी हॉस्पिटल दाखल केले जाऊ शकते. एमएस धोनीला आयपीएल 2023 दरम्यान गुडघ्याचा त्रास झाला होता, तो अनेक सामन्यांमध्ये देखील दिसला होता.

धोनीच्या गुडघ्याबाबत काही चाचण्या होऊ शकतात, ज्यासाठी एमएस धोनी हॉस्पिटलमध्ये दाखल होऊ शकतो. 41 वर्षीय धोनीने आयपीएल फायनल जिंकल्यानंतर सांगितले होते की, माझ्यासाठी निवृत्ती घेणे सोपे होते. माझ्यासाठी सर्वात कठीण गोष्ट म्हणजे पुढील नऊ महिने कठोर परिश्रम करणे आणि नंतर परत येऊन आयपीएलचा आणखी एक हंगाम खेळणे. मला पुढील वर्षी आयपीएल खेळून माझ्या चाहत्यांना गिफ्ट द्यायचे आहे.

आयपीएल 2023 च्या पहिल्या सामन्यापासून धोनी गुडघ्याच्या दुखापतीमुळे त्रस्त दिसला पण त्याचा त्याच्या कर्णधारपदावर परिणाम झाला नाही. धोनी मैदानावरही खूप तंदुरुस्त दिसत होता आणि त्याने त्याचे 100 टक्के दिले. धोनीने पुढच्या वर्षी खेळावे अशी चाहत्यांनाही इच्छा होती, धोनीने याला दुजोरा दिल्याने सर्व चाहतेही खूश आहेत.