IPL 2024 च्या तीन दिवस आधी मुंबईच्या संघात मोठा बदल! 'या' स्टार खेळाडूची अचानक ताफ्यात एन्ट्री

Mumbai Indians Luke Wood as replacement for Behrendorff : आयपीएल 2024 चा येत्या 22 मार्चपासून थरार रंगणार आहे. पहिला सामना रॉयल चॅलेंजर्स बंगळूर आणि चेन्नई सुपर किंग्ज यांच्यात एमए चिदंबरम स्टेडियमवर होणार आहे.

दरम्यान आयपीएल 2024 च्या अवघ्या तीन दिवस आधी मुंबई इंडियन्सला दुसरा मोठा धक्का बसला आहे. मुंबई इंडियन्सचा वेगवान गोलंदाज जेसन बेहरेनडॉर्फ दुखापतीमुळे इंडियन प्रीमियर लीगमधून बाहेर गेला. आयपीएलच्या गेल्या हंगामात त्याने 12 सामन्यात 14 विकेट घेतल्या होत्या.

जेसन बेहरेनडॉर्फची ​​दुखापत हा मुंबई इंडियन्ससाठी 24 तासांत दुसरा धक्का आहे. श्रीलंकेचा दिलशान मधुशंका एक दिवस आधी जखमी झाला होता. दिलशान मदुशंकाच्या फिटनेस अहवालात असे म्हटले आहे की, तो पुढील काही दिवस सामना खेळू शकत नाही. म्हणजेच IPL (IPL 2024) च्या सुरुवातीच्या सामन्यांमध्ये तो मुंबई इंडियन्ससोबत दिसणार नाही.

मुंबई इंडियन्सने जेसन बेहरनडॉर्फच्या जागी इंग्लंडच्या ल्यूक वुडचा आपल्या संघात समावेश केला आहे. ल्यूक वुड ऑस्ट्रेलियाच्या बेहरनडॉर्फसारखा डावखुरा वेगवान गोलंदाज आहे. ल्यूक वुडला आयपीएल 2024 मध्ये मुंबई इंडियन्सकडून खेळण्यासाठी 50 लाख रुपये मूळ किंमतवर ताफ्यात घेतले.

28 वर्षीय ल्यूक वुडने आतापर्यंत इंग्लंडकडून दोन वनडे आणि 5 टी-20 सामने खेळले आहेत. या 5 टी-20 सामन्यात त्याने 8 विकेट घेतल्या आहेत. ल्यूक वुडने बिग बॅश लीग, पीएसएलसारख्या टी-20 लीग क्रिकेटमध्ये चांगली कामगिरी केली आहे. त्याने 140 टी-20 सामन्यात 147 विकेट घेतल्या आहेत.

आयपीएल 2024 साठी मुंबई संघ - हार्दिक पांड्या (कर्णधार), रोहित शर्मा, देवाल्ड ब्रेविस, सूर्यकुमार यादव, इशान किशन, तिलक वर्मा, टीम डेव्हिड, विष्णू विनोद, अर्जुन तेंडुलकर, शम्स मुलानी, नेहल वढेरा, जसप्रीत बुमराह, कुमार कार्तिकेय, पीयूष चावला, आकाश मधवाल, ल्यूक वुड, रोमॅरिओ शेफर्ड, हरिद्री शेफर्ड, जेराल्ड कोएत्झी, दिलशान मदुशंका, श्रेयस गोपाल, नुवान तुषारा, नमन धीर, अंशुल कंबोज, मोहम्मद नबी, शिवालिक शर्मा.